সূক্ত 8

8.1

৭ বার্হস্পত্যো ভরদ্বাজঃ । বৈশ্বানরোsগ্নি : । জগতী, ৭ ত্রিষ্টুপ্ ।

পৃক্ষস্য বৃষ্ণো অরুষস্য নূ সহঃ প্র নু বোচং বিদথা জাতবেদসঃ ।
বৈশ্বানরায় মতির্নব্যসী শুচিঃ সোম ইব পবতে চারুরগ্নয়ে ॥১॥

8.2

স জায়মানঃ পরমে ব্যোমনি ব্রতান্যগ্নির্ব্রতপা অরক্ষত ।
ব্য১ন্তরিক্ষমমিমীত সুক্রতুর্বৈশ্বানরো মহিনা নাকমস্পৃশৎ ॥২॥

8.3

ব্যস্তভ্নাদ্ রোদসী মিত্রো অদ্ভুতো ঽন্তর্বাবদকৃণোজ্জ্যোতিষা তমঃ ।
বি চর্মণীব ধিষণে অবর্তয়দ্ বৈশ্বানরো বিশ্বমধত্ত বৃষ্ণ্যম্ ॥৩॥

8.4

অপামুপস্থে মহিষা অগৃভ্ণত বিশো রাজানমুপ তস্থুৠগ্মিয়ম্ ।
আ দূতো অগ্নিমভরদ্ বিবস্বতো বৈশ্বানরং মাতরিশ্বা পরাবতঃ ॥৪॥

8.5

যুগেয়ুগে বিদথ্যং গৃণদ্ভ্যো ঽগ্নে রয়িং যশসং ধেহি নব্যসীম্ ।
পব্যেব রাজন্নঘশংসমজর নীচা নি বৃশ্চ বনিনং ন তেজসা ॥৫॥

8.6

অস্মাকমগ্নে মঘবত্সু ধারয়াঽনামি ক্ষত্রমজরং সুবীর্যম্ ।
বয়ং জয়েম শতিনং সহস্রিণং বৈশ্বানর বাজমগ্নে তবোতিভিঃ ॥৬॥

8.7

অদব্ধেভিস্তব গোপাভিরিষ্টে ঽস্মাকং পাহি ত্রিষধস্থ সূরীন্ ।
রক্ষা চ নো দদুষাং শর্ধো অগ্নে বৈশ্বানর প্র চ তারীঃ স্তবানঃ ॥৭॥