সূক্ত 7

7.1

৭ বার্হস্পত্যো ভরদ্বাজঃ । বৈশ্বানরোsগ্নি : ।ত্রিষ্টুপ্ , ৬ – ৭ জগতী ।

মূর্ধানং দিবো অরতিং পৃথিব্যা বৈশ্বানরমৃত আ জাতমগ্নিম্ ।
কবিং সম্রাজমতিথিং জনানামাসন্না পাত্রং জনয়ন্ত দেবাঃ ॥১॥

7.2

নাভিং যজ্ঞানাং সদনং রয়ীণাং মহামাহাবমভি সং নবন্ত ।
বৈশ্বানরং রথ্যমধ্বরাণাং যজ্ঞস্য কেতুং জনয়ন্ত দেবাঃ ॥২॥

7.3

ত্বদ্ বিপ্রো জায়তে বাজ্যগ্নে ত্বদ্ বীরাসো অভিমাতিষাহঃ ।
বৈশ্বানর ত্বমস্মাসু ধেহি বসূনি রাজন্ ত্স্পৃহয়ায্যাণি ॥৩॥

7.4

ত্বাং বিশ্বে অমৃত জায়মানং শিশুং ন দেবা অভি সং নবন্তে ।
তব ক্রতুভিরমৃতত্বমায়ন্ বৈশ্বানর যৎ পিত্রোরদীদেঃ ॥৪॥

7.5

বৈশ্বানর তব তানি ব্রতানি মহান্যগ্নে নকিরা দধর্ষ ।
যজ্জায়মানঃ পিত্রোরুপস্থে ঽবিন্দঃ কেতুং বয়ুনেষ্বহ্নাম্ ॥৫॥

7.6

বৈশ্বানরস্য বিমিতানি চক্ষসা সানূনি দিবো অমৃতস্য কেতুনা ।
তস্যেদু বিশ্বা ভুবনাধি মূর্ধনি বয়া ইব রুরুহুঃ সপ্ত বিস্রুহঃ ॥৬॥

7.7

বি যো রজাংস্যমিমীত সুক্রতুর্বৈশ্বানরো বি দিবো রোচনা কবিঃ ।
পরি যো বিশ্বা ভুবনানি পপ্রথে ঽদব্ধো গোপা অমৃতস্য রক্ষিতা ॥৭॥