সূক্ত 67

67.1

১১ বার্হস্পত্যো ভরদ্বাজঃ । মিত্রাবরুণৌ । ত্রিষ্টুপ্ ।

বিশ্বেষাং বঃ সতাং জ্যেষ্ঠতমা গীর্ভির্মিত্রাবরুণা বাবৃধধ্যৈ ।
সং যা রশ্মেব যমতুর্যমিষ্ঠা দ্বা জনাঁ অসমা বাহুভিঃ স্বৈঃ ॥১॥

67.2

ইয়ং মদ্বাং প্র স্তৃণীতে মনীষোপ প্রিয়া নমসা বর্হিরচ্ছ ।
যন্তং নো মিত্রাবরুণাবধৃষ্টং ছর্দির্যদ্বাং বরূথ্যং সুদানূ ॥২॥

67.3

আ যাতং মিত্রাবরুণা সুশস্ত্যুপ প্রিয়া নমসা হূয়মানা ।
সং যাবপ্নঃস্থো অপসেব জনাঞ্ছ্রুধীয়তশ্চিদ্যতথো মহিত্বা ॥৩॥

67.4

অশ্বা ন যা বাজিনা পূতবন্ধূ ঋতা যদ্গর্ভমদিতির্ভরধ্যৈ ।
প্র যা মহি মহান্তা জায়মানা ঘোরা মর্তায় রিপবে নি দীধঃ ॥৪॥

67.5

বিশ্বে যদ্বাং মংহনা মন্দমানাঃ ক্ষত্রং দেবাসো অদধুঃ সজোষাঃ ।
পরি যদ্ভূথো রোদসী চিদুর্বী সন্তি স্পশো অদব্ধাসো অমূরাঃ ॥৫॥

67.6

তা হি ক্ষত্রং ধারয়েথে অনু দ্যূন্দৃংহেথে সানুমুপমাদিব দ্যোঃ ।
দৃল্হো নক্ষত্র উত বিশ্বদেবো ভূমিমাতান্দ্যাং ধাসিনায়োঃ ॥৬॥

67.7

তা বিগ্রং ধৈথে জঠরং পৃণধ্যা আ যত্সদ্ম সভৃতয়ঃ পৃণন্তি ।
ন মৃষ্যন্তে যুবতয়োঽবাতা বি যত্পয়ো বিশ্বজিন্বা ভরন্তে ॥৭॥

67.8

তা জিহ্বয়া সদমেদং সুমেধা আ যদ্বাং সত্যো অরতিৠতে ভূৎ ।
তদ্বাং মহিত্বং ঘৃতান্নাবস্তু যুবং দাশুষে বি চয়িষ্টমংহঃ ॥৮॥

67.9

প্র যদ্বাং মিত্রাবরুণা স্পূর্ধন্প্রিয়া ধাম যুবধিতা মিনন্তি ।
ন যে দেবাস ওহসা ন মর্তা অয়জ্ঞসাচো অপ্যো ন পুত্রাঃ ॥৯॥

67.10

বি যদ্বাচং কীস্তাসো ভরন্তে শংসন্তি কে চিন্নিবিদো মনানাঃ ।
আদ্বাং ব্রবাম সত্যান্যুক্থা নকির্দেবেভির্যতথো মহিত্বা ॥১০॥

67.11

অবোরিত্থা বাং ছর্দিষো অভিষ্টৌ যুবোর্মিত্রাবরুণাবস্কৃধোয়ু ।
অনু যদ্গাবঃ স্ফুরানৃজিপ্যং ধৃষ্ণুং যদ্রণে বৃষণং যুনজন্ ॥১১॥