সূক্ত 68

68.1

১১ বার্হস্পত্যো ভরদ্বাজঃ । ইন্দ্রাবরুণৌ । ত্রিষ্টুপ্ , ৯-১০ জগতী ।

শ্রুষ্টী বাং যজ্ঞ উদ্যতঃ সজোষা মনুষ্বদ্বৃক্তবর্হিষো যজধ্যৈ ।
আ য ইন্দ্রাবরুণাবিষে অদ্য মহে সুম্নায় মহ আববর্তৎ ॥১॥

তা হি শ্রেষ্ঠা দেবতাতা তুজা শূরাণাং শবিষ্ঠা তা হি ভূতম্ ।
মঘোনাং মংহিষ্ঠা তুবিশুষ্ম ঋতেন বৃত্রতুরা সর্বসেনা ॥২॥

তা গৃণীহি নমস্যেভিঃ শূষৈঃ সুম্নেভিরিন্দ্রাবরুণা চকানা ।
বজ্রেণান্যঃ শবসা হন্তি বৃত্রং সিষক্ত্যন্যো বৃজনেষু বিপ্রঃ ॥৩॥

গ্নাশ্চ যন্নরশ্চ বাবৃধন্ত বিশ্বে দেবাসো নরাং স্বগূর্তাঃ ।
প্রৈভ্য ইন্দ্রাবরুণা মহিত্বা দ্যৌশ্চ পৃথিবি ভূতমুর্বী ॥৪॥

স ইত্সুদানুঃ স্ববাঁ ঋতাবেন্দ্রা যো বাং বরুণ দাশতি ত্মন্ ।
ইষা স দ্বিষস্তরেদ্দাস্বান্বংসদ্রয়িং রয়িবতশ্চ জনান্ ॥৫॥

যং যুবং দাশ্বধ্বরায় দেবা রয়িং ধত্থো বসুমন্তং পুরুক্ষুম্ ।
অস্মে স ইন্দ্রাবরুণাবপি ষ্যাত্প্র যো ভনক্তি বনুষামশস্তীঃ ॥৬॥

উত নঃ সুত্রাত্রো দেবগোপাঃ সূরিভ্য ইন্দ্রাবরুণা রয়িঃ ষ্যাৎ ।
যেষাং শুষ্মঃ পৃতনাসু সাহ্বান্প্র সদ্যো দ্যুম্না তিরতে ততুরিঃ ॥৭॥

নূ ন ইন্দ্রাবরুণা গৃণানা পৃঙ্ক্তং রয়িং সৌশ্রবসায় দেবা ।
ইত্থা গৃণন্তো মহিনস্য শর্ধোঽপো ন নাবা দুরিতা তরেম ॥৮॥

প্র সম্রাজে বৃহতে মন্ম নু প্রিয়মর্চ দেবায় বরুণায় সপ্রথঃ ।
অয়ং য উর্বী মহিনা মহিব্রতঃ ক্রত্বা বিভাত্যজরো ন শোচিষা ॥৯॥

ইন্দ্রাবরুণা সুতপাবিমং সুতং সোমং পিবতং মদ্যং ধৃতব্রতা ।
যুবো রথো অধ্বরং দেববীতয়ে প্রতি স্বসরমুপ যাতি পীতয়ে ॥১০॥

ইন্দ্রাবরুণা মধুমত্তমস্য বৃষ্ণঃ সোমস্য বৃষণা বৃষেথাম্ ।
ইদং বামন্ধঃ পরিষিক্তমস্মে আসদ্যাস্মিন্বর্হিষি মাদয়েথাম্ ॥১১॥