সূক্ত 63

63.1

১১ বার্হস্পত্যো ভরদ্বাজঃ । অশ্বিনৌ । ত্রিষ্টুপ্ ,১ বিরাট্ ,১১ একপদা ত্রিষ্টুপ্।

ক্ব১ ত্যা বল্গূ পুরুহূতাদ্য দূতো ন স্তোমোঽবিদন্নমস্বান্ ।
আ যো অর্বাঙ্নাসত্যা ববর্ত প্রেষ্ঠা হ্যসথো অস্য মন্মন্ ॥১॥

63.2

অরং মে গন্তং হবনায়াস্মৈ গৃণানা যথা পিবাথো অন্ধঃ ।
পরি হ ত্যদ্বর্তির্যাথো রিষো ন যত্পরো নান্তরস্তুতুর্যাৎ ॥২॥

63.3

অকারি বামন্ধসো বরীমন্নস্তারি বর্হিঃ সুপ্রায়ণতমম্ ।
উত্তানহস্তো যুবয়ুর্ববন্দা ঽঽবাং নক্ষন্তো অদ্রয় আঞ্জন্ ॥৩॥

63.4

ঊর্ধ্বো বামগ্নিরধ্বরেষ্বস্থাত্প্র রাতিরেতি জূর্ণিনী ঘৃতাচী ।
প্র হোতা গূর্তমনা উরাণোঽয়ুক্ত যো নাসত্যা হবীমন্ ॥৪॥

63.5

অধি শ্রিয়ে দুহিতা সূর্যস্য রথং তস্থৌ পুরুভুজা শতোতিম্ ।
প্র মায়াভির্মায়িনা ভূতমত্র নরা নৃতূ জনিমন্যজ্ঞিয়ানাম্ ॥৫॥

63.6

যুবং শ্রীভির্দর্শতাভিরাভিঃ শুভে পুষ্টিমূহথুঃ সূর্যায়াঃ ।
প্র বাং বয়ো বপুষেঽনু পপ্তন্নক্ষদ্বাণী সুষ্টুতা ধিষ্ণ্যা বাম্ ॥৬॥

63.7

আ বাং বয়োঽশ্বাসো বহিষ্ঠা অভি প্রয়ো নাসত্যা বহন্তু ।
প্র বাং রথো মনোজবা অসর্জীষঃ পৃক্ষ ইষিধো অনু পূর্বীঃ ॥৭॥

63.8

পুরু হি বাং পুরুভুজা দেষ্ণং ধেনুং ন ইষং পিন্বতমসক্রাম্ ।
স্তুতশ্চ বাং মাধ্বী সুষ্টুতিশ্চ রসাশ্চ যে বামনু রাতিমগ্মন্ ॥৮॥

63.9

উত ম ঋজ্রে পুরয়স্য রঘ্বী সুমীল্হে শতং পেরুকে চ পক্বা ।
শাণ্ডো দাদ্ধিরণিনঃ স্মদ্দিষ্টীন্দশ বশাসো অভিষাচ ঋষ্বান্ ॥৯॥

63.10

সং বাং শতা নাসত্যা সহস্রাঽশ্বানাং পুরুপন্থা গিরে দাৎ ।
ভরদ্বাজায় বীর নূ গিরে দাদ্ধতা রক্ষাংসি পুরুদংসসা স্যুঃ ॥১০॥

63.11

আ বাং সুম্নে বরিমন্ত্সূরিভিঃ ষ্যাম্ ॥১১॥