সূক্ত 53

53.1

১০ বার্হস্পত্যো ভরদ্বাজঃ ।পূষা । গায়ত্রী, ৮ অনুষ্টুপ্ ।

বয়মু ত্বা পথস্পতে রথং ন বাজসাতয়ে । ধিয়ে পূষন্নয়ুজ্মহি ॥১॥

53.2

অভি নো নর্যং বসু বীরং প্রয়তদক্ষিণম্ । বামং গৃহপতিং নয় ॥২॥

53.3

অদিত্সন্তং চিদাঘৃণে পূষন্দানায় চোদয় । পণেশ্চিদ্বি ম্রদা মনঃ ॥৩॥

53.4

বি পথো বাজসাতয়ে চিনুহি বি মৃধো জহি । সাধন্তামুগ্র নো ধিয়ঃ ॥৪॥

53.5

পরি তৃন্ধি পণীনামারয়া হৃদয়া কবে । অথেমস্মভ্যং রন্ধয় ॥৫॥

53.6

বি পূষন্নারয়া তুদ পণেরিচ্ছ হৃদি প্রিয়ম্ । অথেমস্মভ্যং রন্ধয় ॥৬॥

53.7

আ রিখ কিকিরা কৃণু পণীনাং হৃদয়া কবে । অথেমস্মভ্যং রন্ধয় ॥৭॥

53.8

যাং পূষন্ব্রহ্মচোদনীমারাং বিভর্ষ্যাঘৃণে । তয়া সমস্য হৃদয়মা রিখ কিকিরা কৃণু ॥৮॥

53.9

যা তে অষ্ট্রা গোওপশাঽঽঘৃণে পশুসাধনী । তস্যাস্তে সুম্নমীমহে ॥৯॥

53.10

উত নো গোষণিং ধিয়মশ্বসাং বাজসামুত । নৃবত্কৃণুহি বীতয়ে ॥১০॥