সূক্ত 52

52.1

১৭ ঋজিশ্বা ভারদ্বাজঃ । বিশ্বে দেবাঃ । ত্রিষ্টুপ্ , ৭-১২ গায়ত্রী, ১৪ জগতী ।

ন তদ্দিবা ন পৃথিব্যানু মন্যে ন যজ্ঞেন নোত শমীভিরাভিঃ ।
উব্জন্তু তং সুভ্ব১ঃ পর্বতাসো নি হীয়তামতিয়াজস্য যষ্টা ॥১॥

অতি বা যো মরুতো মন্যতে নো ব্রহ্ম বা যঃ ক্রিয়মাণং নিনিত্সাৎ ।
তপূংষি তস্মৈ বৃজিনানি সন্তু ব্রহ্মদ্বিষমভি তং শোচতু দ্যৌঃ ॥২॥

কিমঙ্গ ত্বা ব্রহ্মণঃ সোম গোপাং কিমঙ্গ ত্বাহুরভিশস্তিপাং নঃ ।
কিমঙ্গ নঃ পশ্যসি নিদ্যমানান্ব্রহ্মদ্বিষে তপুষিং হেতিমস্য ॥৩॥

অবন্তু মামুষসো জায়মানা অবন্তু মা সিন্ধবঃ পিন্বমানাঃ ।
অবন্তু মা পর্বতাসো ধ্রুবাসোঽবন্তু মা পিতরো দেবহূতৌ ॥৪॥

বিশ্বদানীং সুমনসঃ স্যাম পশ্যেম নু সূর্যমুচ্চরন্তম্ ।
তথা করদ্বসুপতির্বসূনাং দেবাঁ ওহানোঽবসাগমিষ্ঠঃ ॥৫॥

ইন্দ্রো নেদিষ্ঠমবসাগমিষ্ঠঃ সরস্বতী সিন্ধুভিঃ পিন্বমানা ।
পর্জন্যো ন ওষধীভির্ময়োভুরগ্নিঃ সুশংসঃ সুহবঃ পিতেব ॥৬॥

বিশ্বে দেবাস আ গত শৃণুতা ম ইমং হবম্ । এদং বর্হির্নি ষীদত ॥৭॥

যো বো দেবা ঘৃতস্নুনা হব্যেন প্রতিভূষতি । তং বিশ্ব উপ গচ্ছথ ॥৮॥

উপ নঃ সূনবো গিরঃ শৃণ্বন্ত্বমৃতস্য যে । সুমৃলীকা ভবন্তু নঃ ॥৯॥

বিশ্বে দেবা ঋতাবৃধ ঋতুভির্হবনশ্রুতঃ । জুষন্তাং যুজ্যং পয়ঃ ॥১০॥

স্তোত্রমিন্দ্রো মরুদ্গণস্ত্বষ্টৃমান্মিত্রো অর্যমা । ইমা হব্যা জুষন্ত নঃ ॥১১॥

ইমং নো অগ্নে অধ্বরং হোতর্বয়ুনশো যজ । চিকিত্বান্দৈব্যং জনম্ ॥১২॥

বিশ্বে দেবাঃ শৃণুতেমং হবং মে যে অন্তরিক্ষে য উপ দ্যবি ষ্ঠ ।
যে অগ্নিজিহ্বা উত বা যজত্রা আসদ্যাস্মিন্বর্হিষি মাদয়ধ্বম্ ॥১৩॥

বিশ্বে দেবা মম শৃণ্বন্তু যজ্ঞিয়া উভে রোদসী অপাং নপাচ্চ মন্ম ।
মা বো বচাংসি পরিচক্ষ্যাণি বোচং সুম্নেষ্বিদ্বো অন্তমা মদেম ॥১৪॥

যে কে চ জ্মা মহিনো অহিমায়া দিবো জজ্ঞিরে অপাং সধস্থে ।
তে অস্মভ্যমিষয়ে বিশ্বমায়ুঃ ক্ষপ উস্রা বরিবস্যন্তু দেবাঃ ॥১৫॥

অগ্নীপর্জন্যাববতং ধিয়ং মেঽস্মিন্হবে সুহবা সুষ্টুতিং নঃ ।
ইলামন্যো জনয়দ্গর্ভমন্যঃ প্রজাবতীরিষ আ ধত্তমস্মে ॥১৬॥

স্তীর্ণে বর্হিষি সমিধানে অগ্নৌ সূক্তেন মহা নমসা বিবাসে ।
অস্মিন্নো অদ্য বিদথে যজত্রা বিশ্বে দেবা হবিষি মাদয়ধ্বম্ ॥১৭॥