সূক্ত 51

51.1

১৬ ঋজিশ্বা ভারদ্বাজঃ । বিশ্বে দেবাঃ। ত্রিষ্টুপ্ , ১৩ – ১৫ উষ্ণিক্, ১৬ অনুষ্টুপ্ ।

উদু ত্যচ্চক্ষুর্মহি মিত্রয়োরাঁ এতি প্রিয়ং বরুণয়োরদব্ধম্ ।
ঋতস্য শুচি দর্শতমনীকং রুক্মো ন দিব উদিতা ব্যদ্যৌৎ ॥১॥

বেদ যস্ত্রীণি বিদথান্যেষাং দেবানাং জন্ম সনুতরা চ বিপ্রঃ ।
ঋজু মর্তেষু বৃজিনা চ পশ্যন্নভি চষ্টে সূরো অর্য এবান্ ॥২॥

স্তুষ উ বো মহ ঋতস্য গোপানদিতিং মিত্রং বরুণং সুজাতান্ ।
অর্যমণং ভগমদব্ধধীতীনচ্ছা বোচে সধন্যঃ পাবকান্ ॥৩॥

রিশাদসঃ সত্পতীঁরদব্ধান্মহো রাজ্ঞঃ সুবসনস্য দাতৄন্ ।
যূনঃ সুক্ষত্রান্ক্ষয়তো দিবো নৄনাদিত্যান্যাম্যদিতিং দুবোয়ু ॥৪॥

দ্যৌ৩ষ্পিতঃ পৃথিবি মাতরধ্রুগগ্নে ভ্রাতর্বসবো মৃলতা নঃ ।
বিশ্ব আদিত্যা অদিতে সজোষা অস্মভ্যং শর্ম বহুলং বি যন্ত ॥৫॥

মা নো বৃকায় বৃক্যে সমস্মা অঘায়তে রীরধতা যজত্রাঃ ।
যূয়ং হি ষ্ঠা রথ্যো নস্তনূনাং যূয়ং দক্ষস্য বচসো বভূব ॥৬॥

মা ব এনো অন্যকৃতং ভুজেম মা তত্কর্ম বসবো যচ্চয়ধ্বে ।
বিশ্বস্য হি ক্ষয়থ বিশ্বদেবাঃ স্বয়ং রিপুস্তন্বং রীরিষীষ্ট ॥৭॥

নম ইদুগ্রং নম আ বিবাসে নমো দাধার পৃথিবীমুত দ্যাম্ ।
নমো দেবেভ্যো নম ঈশ এষাং কৃতং চিদেনো নমসা বিবাসে ॥৮॥

ঋতস্য বো রথ্যঃ পূতদক্ষানৃতস্য পস্ত্যসদো অদব্ধান্ ।
তাঁ আ নমোভিরুরুচক্ষসো নৄন্বিশ্বান্ব আ নমে মহো যজত্রাঃ ॥৯॥

তে হি শ্রেষ্ঠবর্চসস্ত উ নস্তিরো বিশ্বানি দুরিতা নয়ন্তি ।
সুক্ষত্রাসো বরুণো মিত্রো অগ্নিৠতধীতয়ো বক্মরাজসত্যাঃ ॥১০॥

তে ন ইন্দ্রঃ পৃথিবী ক্ষাম বর্ধন্পূষা ভগো অদিতিঃ পঞ্চ জনাঃ ।
সুশর্মাণঃ স্ববসঃ সুনীথা ভবন্তু নঃ সুত্রাত্রাসঃ সুগোপাঃ ॥১১॥

নূ সদ্মানং দিব্যং নংশি দেবা ভারদ্বাজঃ সুমতিং যাতি হোতা ।
আসানেভির্যজমানো মিয়েধৈর্দেবানাং জন্ম বসূয়ুর্ববন্দ ॥১২॥

অপ ত্যং বৃজিনং রিপুং স্তেনমগ্নে দুরাধ্যম্ । দবিষ্ঠমস্য সত্পতে কৃধী সুগম্ ॥১৩॥

গ্রাবাণঃ সোম নো হি কং সখিত্বনায় বাবশুঃ । জহী ন্য১ত্রিণং পণিং বৃকো হি ষঃ ॥১৪॥

যূয়ং হি ষ্ঠা সুদানব ইন্দ্রজ্যেষ্ঠা অভিদ্যবঃ । কর্তা নো অধ্বন্না সুগং গোপা অমা ॥১৫॥

অপি পন্থামগন্মহি স্বস্তিগামনেহসম্ । যেন বিশ্বাঃ পরি দ্বিষো বৃণক্তি বিন্দতে বসু ॥১৬॥