সূক্ত 54

54.1

১০ বার্হস্পত্যো ভরদ্বাজঃ । পূষা । গায়ত্রী ।

সং পূষন্বিদুষা নয় যো অঞ্জসানুশাসতি । য এবেদমিতি ব্রবৎ ॥১॥

54.2

সমু পূষ্ণা গমেমহি যো গৃহাঁ অভিশাসতি । ইম এবেতি চ ব্রবৎ ॥২॥

54.3

পূষ্ণশ্চক্রং ন রিষ্যতি ন কোশোঽব পদ্যতে । নো অস্য ব্যথতে পবিঃ ॥৩॥

54.4

যো অস্মৈ হবিষাবিধন্ন তং পূষাপি মৃষ্যতে । প্রথমো বিন্দতে বসু ॥৪॥

54.5

পূষা গা অন্বেতু নঃ পূষা রক্ষত্বর্বতঃ । পূষা বাজং সনোতু নঃ ॥৫॥

54.6

পূষন্ননু প্র গা ইহি যজমানস্য সুন্বতঃ । অস্মাকং স্তুবতামুত ॥৬॥

54.7

মাকির্নেশন্মাকীং রিষন্মাকীং সং শারি কেবটে । অথারিষ্টাভিরা গহি ॥৭॥

54.8

শৃণ্বন্তং পূষণং বয়মির্যমনষ্টবেদসম্ । ঈশানং রায় ঈমহে ॥৮॥

54.9

পূষন্তব ব্রতে বয়ং ন রিষ্যেম কদা চন । স্তোতারস্ত ইহ স্মসি ॥৯॥

54.10

পরি পূষা পরস্তাদ্ধস্তং দধাতু দক্ষিণম্ । পুনর্নো নষ্টমাজতু ॥১০॥