সূক্ত 46

46.1

১৪ শংয়ুর্বার্হস্পত্যঃ। ইন্দ্রঃ প্রগাথঃ [= বিষমা বৃহতী, সমা সতোবৃহতী ] ।

ত্বামিদ্ধি হবামহে সাতা বাজস্য কারবঃ ।
ত্বাং বৃত্রেষ্বিন্দ্র সত্পতিং নরস্ত্বাং কাষ্ঠাস্বর্বতঃ ॥১॥

স ত্বং নশ্চিত্র বজ্রহস্ত ধৃষ্ণুয়া মহঃ স্তবানো অদ্রিবঃ ।
গামশ্বং রথ্যমিন্দ্র সং কির সত্রা বাজং ন জিগ্যুষে ॥২॥

যঃ সত্রাহা বিচর্ষণিরিন্দ্রং তং হূমহে বয়ম্ ।
সহস্রমুষ্ক তুবিনৃম্ণ সত্পতে ভবা সমত্সু নো বৃধে ॥৩॥

বাধসে জনান্বৃষভেব মন্যুনা ঘৃষৌ মীল্হ ঋচীষম ।
অস্মাকং বোধ্যবিতা মহাধনে তনূষ্বপ্সু সূর্যে ॥৪॥

ইন্দ্র জ্যেষ্ঠং ন আ ভরঁ ওজিষ্ঠং পপুরি শ্রবঃ ।
যেনেমে চিত্র বজ্রহস্ত রোদসী ওভে সুশিপ্র প্রাঃ ॥৫॥

ত্বামুগ্রমবসে চর্ষণীসহং রাজন্দেবেষু হূমহে ।
বিশ্বা সু নো বিথুরা পিব্দনা বসোঽমিত্রান্ত্সুষহান্কৃধি ॥৬॥

যদিন্দ্র নাহুষীষ্বাঁ ওজো নৃম্ণং চ কৃষ্টিষু ।
যদ্বা পঞ্চ ক্ষিতীনাং দ্যুম্নমা ভর সত্রা বিশ্বানি পৌংস্যা ॥৭॥

যদ্বা তৃক্ষৌ মঘবন্দ্রুহ্যাবা জনে যত্পূরৌ কচ্চ বৃষ্ণ্যম্ ।
অস্মভ্যং তদ্রিরীহি সং নৃষাহ্যেঽমিত্রান্পৃত্সু তুর্বণে ॥৮॥

ইন্দ্র ত্রিধাতু শরণং ত্রিবরূথং স্বস্তিমৎ ।
ছর্দির্যচ্ছ মঘবদ্ভ্যশ্চ মহ্যং চ যাবয়া দিদ্যুমেভ্যঃ ॥৯॥

যে গব্যতা মনসা শত্রুমাদভুরভিপ্রঘ্নন্তি ধৃষ্ণুয়া ।
অধ স্মা নো মঘবন্নিন্দ্র গির্বণস্তনূপা অন্তমো ভব ॥১০॥

অধ স্মা নো বৃধে ভবেন্দ্র নায়মবা যুধি ।
যদন্তরিক্ষে পতয়ন্তি পর্ণিনো দিদ্যবস্তিগ্মমূর্ধানঃ ॥১১॥

যত্র শূরাসস্তন্বো বিতন্বতে প্রিয়া শর্ম পিতৄণাম্ ।
অধ স্মা যচ্ছ তন্বে৩ তনে চ ছর্দিরচিত্তং যাবয় দ্বেষঃ ॥১২॥

যদিন্দ্র সর্গে অর্বতশ্চোদয়াসে মহাধনে ।
অসমনে অধ্বনি বৃজিনে পথি শ্যেনাঁ ইব শ্রবস্যতঃ ॥১৩॥

সিন্ধূঁরিব প্রবণ আশুয়া যতো যদি ক্লোশমনু ষ্বণি ।
আ যে বয়ো ন বর্বৃতত্যামিষি গৃভীতা বাহ্বোর্গবি ॥১৪॥