সূক্ত 41

41.1

৫ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

অহেলমান উপ যাহি যজ্ঞং তুভ্যং পবন্ত ইন্দবঃ সুতাসঃ ।
গাবো ন বজ্রিন্ত্স্বমোকো অচ্ছেন্দ্রা গহি প্রথমো যজ্ঞিয়ানাম্ ॥১॥

41.2

যা তে কাকুত্সুকৃতা যা বরিষ্ঠা যয়া শশ্বত্পিবসি মধ্ব ঊর্মিম্ ।
তয়া পাহি প্র তে অধ্বর্যুরস্থাত্সং তে বজ্রো বর্ততামিন্দ্র গব্যুঃ ॥২॥

41.3

এষ দ্রপ্সো বৃষভো বিশ্বরূপ ইন্দ্রায় বৃষ্ণে সমকারি সোমঃ ।
এতং পিব হরিবঃ স্থাতরুগ্র যস্যেশিষে প্রদিবি যস্তে অন্নম্ ॥৩॥

41.4

সুতঃ সোমো অসুতাদিন্দ্র বস্যানয়ং শ্রেয়াঞ্চিকিতুষে রণায় ।
এতং তিতির্ব উপ যাহি যজ্ঞং তেন বিশ্বাস্তবিষীরা পৃণস্ব ॥৪॥

41.5

হ্বয়ামসি ত্বেন্দ্র যাহ্যর্বাঙরং তে সোমস্তন্বে ভবাতি ।
শতক্রতো মাদয়স্বা সুতেষু প্রাস্মাঁ অব পৃতনাসু প্র বিক্ষু ॥৫॥