সূক্ত 42

42.1

৪ বার্হস্পত্যো ভরদ্বাজঃ । ইন্দ্রঃ । অনুষ্টুপ্, ৪ বৃহতী ।

প্রত্যস্মৈ পিপীষতে বিশ্বানি বিদুষে ভর । অরংগমায় জগ্ময়েঽপশ্চাদ্দঘ্বনে নরে ॥১॥

42.2

এমেনং প্রত্যেতন সোমেভিঃ সোমপাতমম্ । অমত্রেভির্ৠজীষিণমিন্দ্রং সুতেভিরিন্দুভিঃ ॥২॥

42.3

যদী সুতেভিরিন্দুভিঃ সোমেভিঃ প্রতিভূষথ । বেদা বিশ্বস্য মেধিরো ধৃষত্তংতমিদেষতে ॥৩॥

42.4

অস্মাঅস্মা ইদন্ধসোঽধ্বর্যো প্র ভরা সুতম্ । কুবিত্সমস্য জেন্যস্য শর্ধতোঽভিশস্তেরবস্পরৎ ॥৪॥