সূক্ত 39

39.1

৫ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

মন্দ্রস্য কবের্দিব্যস্য বহ্নের্বিপ্রমন্মনো বচনস্য মধ্বঃ ।
অপা নস্তস্য সচনস্য দেবেষো যুবস্ব গৃণতে গোঅগ্রাঃ ॥১॥

39.2

অয়মুশানঃ পর্যদ্রিমুস্রা ঋতধীতিভিৠতয়ুগ্যুজানঃ ।
রুজদরুগ্ণং বি বলস্য সানুং পণীঁর্বচোভিরভি যোধদিন্দ্রঃ ॥২॥

39.3

অয়ং দ্যোতয়দদ্যুতো ব্য১ক্তূন্দোষা বস্তোঃ শরদ ইন্দুরিন্দ্র ।
ইমং কেতুমদধুর্নূ চিদহ্নাং শুচিজন্মন উষসশ্চকার ॥৩॥

39.4

অয়ং রোচয়দরুচো রুচানো৩ঽয়ং বাসয়দ্ব্যৃ১তেন পূর্বীঃ ।
অয়মীয়ত ঋতয়ুগ্ভিরশ্বৈঃ স্বর্বিদা নাভিনা চর্ষণিপ্রাঃ ॥৪॥

39.5

নূ গৃণানো গৃণতে প্রত্ন রাজন্নিষঃ পিন্ব বসুদেয়ায় পূর্বীঃ ।
অপ ওষধীরবিষা বনানি গা অর্বতো নৄনৃচসে রিরীহি ॥৫॥