সূক্ত 38

38.1

৫ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

অপাদিত উদু নশ্চিত্রতমো মহীং ভর্ষদ্দ্যুমতীমিন্দ্রহূতিম্ ।
পন্যসীং ধীতিং দৈব্যস্য যামঞ্জনস্য রাতিং বনতে সুদানুঃ ॥১॥

38.2

দূরাচ্চিদা বসতো অস্য কর্ণা ঘোষাদিন্দ্রস্য তন্যতি ব্রুবাণঃ ।
এয়মেনং দেবহূতির্ববৃত্যান্মদ্র্য১গিন্দ্রমিয়মৃচ্যমানা ॥২॥

38.3

তং বো ধিয়া পরময়া পুরাজামজরমিন্দ্রমভ্যনূষ্যর্কৈঃ ।
ব্রহ্মা চ গিরো দধিরে সমস্মিন্মহাঁশ্চ স্তোমো অধি বর্ধদিন্দ্রে ॥৩॥

38.4

বর্ধাদ্যং যজ্ঞ উত সোম ইন্দ্রং বর্ধাদ্ব্রহ্ম গির উক্থা চ মন্ম ।
বর্ধাহৈনমুষসো যামন্নক্তোর্বর্ধান্মাসাঃ শরদো দ্যাব ইন্দ্রম্ ॥৪॥

38.5

এবা জজ্ঞানং সহসে অসামি বাবৃধানং রাধসে চ শ্রুতায় ।
মহামুগ্রমবসে বিপ্র নূনমা বিবাসেম বৃত্রতূর্যেষু ॥৫॥