সূক্ত 33

33.1

৫ শুনহোত্রো ভারদ্বাজঃ । ইন্দ্রঃ । ত্রিষ্টুপ্ ।

য ওজিষ্ঠ ইন্দ্র তং সু নো দা মদো বৃষন্ত্স্বভিষ্টির্দাস্বান্ ।
সৌবশ্ব্যং যো বনবত্স্বশ্বো বৃত্রা সমত্সু সাসহদমিত্রান্ ॥১॥

33.2

ত্বাং হী৩ন্দ্রাবসে বিবাচো হবন্তে চর্ষণয়ঃ শূরসাতৌ ।
ত্বং বিপ্রেভির্বি পণীঁরশায়স্ত্বোত ইত্সনিতা বাজমর্বা ॥২॥

33.3

ত্বং তাঁ ইন্দ্রোভয়াঁ অমিত্রান্দাসা বৃত্রাণ্যার্যা চ শূর ।
বধীর্বনেব সুধিতেভিরত্কৈরা পৃত্সু দর্ষি নৃণাং নৃতম ॥৩॥

33.4

স ত্বং ন ইন্দ্রাকবাভিরূতী সখা বিশ্বায়ুরবিতা বৃধে ভূঃ ।
স্বর্ষাতা যদ্ধ্বয়ামসি ত্বা যুধ্যন্তো নেমধিতা পৃত্সু শূর ॥৪॥

33.5

নূনং ন ইন্দ্রাপরায় চ স্যা ভবা মৃলীক উত নো অভিষ্টৌ ।
ইত্থা গৃণন্তো মহিনস্য শর্মন্দিবি ষ্যাম পার্যে গোষতমাঃ ॥৫॥