সূক্ত 32

32.1

৫ সুহোত্রো ভারদ্বাজঃ । ইন্দ্রঃ । ত্রিষ্টুপ্ ।

অপূর্ব্যা পুরুতমান্যস্মৈ মহে বীরায় তবসে তুরায় ।
বিরপ্শিনে বজ্রিণে শংতমানি বচাংস্যাসা স্থবিরায় তক্ষম্ ॥১॥

স মাতরা সূর্যেণা কবীনামবাসয়দ্রুজদদ্রিং গৃণানঃ ।
স্বাধীভিৠক্বভির্বাবশান উদুস্রিয়াণামসৃজন্নিদানম্ ॥২॥

স বহ্নিভিৠক্বভির্গোষু শশ্বন্মিতজ্ঞুভিঃ পুরুকৃত্বা জিগায় ।
পুরঃ পুরোহা সখিভিঃ সখীয়ন্দৃল্হা রুরোজ কবিভিঃ কবিঃ সন্ ॥৩॥

স নীব্যাভির্জরিতারমচ্ছা মহো বাজেভির্মহদ্ভিশ্চ শুষ্মৈঃ ।
পুরুবীরাভির্বৃষভ ক্ষিতীনামা গির্বণঃ সুবিতায় প্র যাহি ॥৪॥

স সর্গেণ শবসা তক্তো অত্যৈরপ ইন্দ্রো দক্ষিণতস্তুরাষাট্ ।
ইত্থা সৃজানা অনপাবৃদর্থং দিবেদিবে বিবিষুরপ্রমৃষ্যম্ ॥৫॥