সূক্ত 31

31.1

৫ সুহোত্রো ভারদ্বাজঃ । ইন্দ্রঃ । ত্রিষ্টুপ্ ,৪ শক্বরী ।

অভূরেকো রয়িপতে রয়ীণামা হস্তয়োরধিথা ইন্দ্র কৃষ্টীঃ ।
বি তোকে অপ্সু তনয়ে চ সূরেঽবোচন্ত চর্ষণয়ো বিবাচঃ ॥১॥

31.2

ত্বদ্ভিয়েন্দ্র পার্থিবানি বিশ্বাচ্যুতা চিচ্চ্যাবয়ন্তে রজাংসি ।
দ্যাবাক্ষামা পর্বতাসো বনানি বিশ্বং দৃল্হং ভয়তে অজ্মন্না তে ॥২॥

31.3

ত্বং কুত্সেনাভি শুষ্ণমিন্দ্রাশুষং যুধ্য কুয়বং গবিষ্টৌ ।
দশ প্রপিত্বে অধ সূর্যস্য মুষায়শ্চক্রমবিবে রপাংসি ॥৩॥

31.4

ত্বং শতান্যব শম্বরস্য পুরো জঘন্থাপ্রতীনি দস্যোঃ ।
অশিক্ষো যত্র শচ্যা শচীবো দিবোদাসায় সুন্বতে সুতক্রে ভরদ্বাজায় গৃণতে বসূনি ॥৪॥

31.5

স সত্যসত্বন্মহতে রণায় রথমা তিষ্ঠ তুবিনৃম্ণ ভীমম্ ।
যাহি প্রপথিন্নবসোপ মদ্রিক্প্র চ শ্রুত শ্রাবয় চর্ষণিভ্যঃ ॥৫॥