সূক্ত 30

30.1

৫ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

ভূয় ইদ্বাবৃধে বীর্যায়ঁ একো অজুর্যো দয়তে বসূনি ।
প্র রিরিচে দিব ইন্দ্রঃ পৃথিব্যা অর্ধমিদস্য প্রতি রোদসী উভে ॥১॥

30.2

অধা মন্যে বৃহদসুর্যমস্য যানি দাধার নকিরা মিনাতি ।
দিবেদিবে সূর্যো দর্শতো ভূদ্বি সদ্মান্যুর্বিয়া সুক্রতুর্ধাৎ ॥২॥

30.3

অদ্যা চিন্নূ চিত্তদপো নদীনাং যদাভ্যো অরদো গাতুমিন্দ্র ।
নি পর্বতা অদ্মসদো ন সেদুস্ত্বয়া দৃল্হানি সুক্রতো রজাংসি ॥৩॥

30.4

সত্যমিত্তন্ন ত্বাবাঁ অন্যো অস্তীন্দ্র দেবো ন মর্ত্যো জ্যায়ান্ ।
অহন্নহিং পরিশয়ানমর্ণোঽবাসৃজো অপো অচ্ছা সমুদ্রম্ ॥৪॥

30.5

ত্বমপো বি দুরো বিষূচীরিন্দ্র দৃল্হমরুজঃ পর্বতস্য ।
রাজাভবো জগতশ্চর্ষণীনাং সাকং সূর্যং জনয়ন্দ্যামুষাসম্ ॥৫॥