সূক্ত 29

29.1

৬ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

ইন্দ্রং বো নরঃ সখ্যায় সেপুর্মহো যন্তঃ সুমতয়ে চকানাঃ ।
মহো হি দাতা বজ্রহস্তো অস্তি মহামু রণ্বমবসে যজধ্বম্ ॥১॥

29.2

আ যস্মিন্হস্তে নর্যা মিমিক্ষুরা রথে হিরণ্যয়ে রথেষ্ঠাঃ ।
আ রশ্ময়ো গভস্ত্যোঃ স্থূরয়োরাধ্বন্নশ্বাসো বৃষণো যুজানাঃ ॥২॥

29.3

শ্রিয়ে তে পাদা দুব আ মিমিক্ষুর্ধৃষ্ণুর্বজ্রী শবসা দক্ষিণাবান্ ।
বসানো অত্কং সুরভিং দৃশে কং স্ব১র্ণ নৃতবিষিরো বভূথ ॥৩॥

29.4

স সোম আমিশ্লতমঃ সুতো ভূদ্যস্মিন্পক্তিঃ পচ্যতে সন্তি ধানাঃ ।
ইন্দ্রং নরঃ স্তুবন্তো ব্রহ্মকারা উক্থা শংসন্তো দেববাততমাঃ ॥৪॥

29.5

ন তে অন্তঃ শবসো ধায্যস্য বি তু বাবধে রোদসী মহিত্বা ।
আ তা সূরিঃ পৃণতি তূতুজানো যূথেবাপ্সু সমীজমান ঊতী ॥৫॥

29.6

এবেদিন্দ্রঃ সুহব ঋষ্বো অস্তূতী অনূতী হিরিশিপ্রঃ সত্বা ।
এবা হি জাতো অসমাত্যোজাঃ পুরূ চ বৃত্রা হনতি নি দস্যূন্ ॥৬॥