Sukta 29

29.1

6 barhaspatyo bharadvajah, indrah, trishtup

इन्द्रं॑ वो॒ नर॑ः स॒ख्याय॑ सेपुर्म॒हो यन्त॑ः सुम॒तये॑ चका॒नाः ।
म॒हो हि दा॒ता वज्र॑हस्तो॒ अस्ति॑ म॒हामु॑ र॒ण्वमव॑से यजध्वम् ॥१॥

Indram vo narah sakhyaya sepurmaho yantah sumataye chakanah
Maho hi data vajrahasto asti mahamu ranvamavase yajadhvam

आ यस्मि॒न्हस्ते॒ नर्या॑ मिमि॒क्षुरा रथे॑ हिर॒ण्यये॑ रथे॒ष्ठाः ।
आ र॒श्मयो॒ गभ॑स्त्योः स्थू॒रयो॒राध्व॒न्नश्वा॑सो॒ वृष॑णो युजा॒नाः ॥२॥

A yasminhaste narya mimikshura rathe hiranyaye ratheshthah
A rashmayo gabhastyoh sthurayoradhvannashvaso vrishano yujanah

श्रि॒ये ते॒ पादा॒ दुव॒ आ मि॑मिक्षुर्धृ॒ष्णुर्व॒ज्री शव॑सा॒ दक्षि॑णावान् ।
वसा॑नो॒ अत्कं॑ सुर॒भिं दृ॒शे कं स्व१र्ण नृ॑तविषि॒रो ब॑भूथ ॥३॥

Shriye te pada duva a mimikshurdhrishnurvajri shavasa dakshinavan
Vasano atkam surabhim drishe kam sva1rna nritavishiro babhutha

स सोम॒ आमि॑श्लतमः सु॒तो भू॒द्यस्मि॑न्प॒क्तिः प॒च्यते॒ सन्ति॑ धा॒नाः ।
इन्द्रं॒ नर॑ः स्तु॒वन्तो॑ ब्रह्मका॒रा उ॒क्था शंस॑न्तो दे॒ववा॑ततमाः ॥४॥

Sa soma amishlatamah suto bhudyasminpaktih pachyate santi dhanah
Indram narah stuvanto brahmakara uktha shansanto devavatatamah

न ते॒ अन्त॒ः शव॑सो धाय्य॒स्य वि तु बा॑बधे॒ रोद॑सी महि॒त्वा ।
आ ता सू॒रिः पृ॑णति॒ तूतु॑जानो यू॒थेवा॒प्सु स॒मीज॑मान ऊ॒ती ॥५॥

Na te antah shavaso dhayyasya vi tu babadhe rodasi mahitva
A ta surih prinati tutujano yuthevapsu samijamana uti

ए॒वेदिन्द्र॑ः सु॒हव॑ ऋ॒ष्वो अ॑स्तू॒ती अनू॑ती हिरिशि॒प्रः सत्वा॑ ।
ए॒वा हि जा॒तो अस॑मात्योजाः पु॒रू च॑ वृ॒त्रा ह॑नति॒ नि दस्यू॑न् ॥६॥

Evedindrah suhava rishvo astuti anuti hirishiprah satva
Eva hi jato asamatyojah puru cha vritra hanati ni dasyun