সূক্ত 26

26.1

৮ বার্হস্পত্যো ভরদ্বাজঃ । ইন্দ্রঃ । ত্রিষ্টুপ্ ।

শ্রুধী ন ইন্দ্র হ্বয়ামসি ত্বা মহো বাজস্য সাতৌ বাবৃষাণাঃ ।
সং যদ্ বিশোঽয়ন্ত শূরসাতা উগ্রং নোঽবঃ পার্যে অহন্ দাঃ ॥১॥

ত্বাং বাজী হবতে বাজিনেয়ো মহো বাজস্য গধ্যস্য সাতৌ ।
ত্বাং বৃত্রেষ্বিন্দ্র সত্পতিং তরুত্রং ত্বাং চষ্টে মুষ্টিহা গোষু যুধ্যন্ ॥২॥

ত্বং কবিং চোদয়োঽর্কসাতৌ ত্বং কুত্সায় শুষ্ণং দাশুষে বর্ক্ ।
ত্বং শিরো অমর্মণঃ পরাহন্নতিথিগ্বায় শংস্যং করিষ্যন্ ॥৩॥

ত্বং রথং প্র ভরো যোধমৃষ্বমাবো যুধ্যন্তং বৃষভং দশদ্যুম্ ।
ত্বং তুগ্রং বেতসবে সচাহন্ ত্বং তুজিং গৃণন্তমিন্দ্র তূতোঃ ॥৪॥

ত্বং তদুক্থমিন্দ্র বর্হণা কঃ প্র যচ্ছতা সহস্রা শূর দর্ষি ।
অব গিরের্দাসং শম্বরং হন্প্রাবো দিবোদাসং চিত্রাভিরূতী ॥৫॥

ত্বং শ্রদ্ধাভির্মন্দসানঃ সোমৈর্দভীতয়ে চুমুরিমিন্দ্র সিষ্বপ্ ।
ত্বং রজিং পিঠীনসে দশস্যন্ষষ্টিং সহস্রা শচ্যা সচাহন্ ॥৬॥

অহং চন তত্সূরিভিরানশ্যাং তব জ্যায় ইন্দ্র সুম্নমোজঃ ।
ত্বয়া যত্স্তবন্তে সধবীর বীরাস্ত্রিবরূথেন নহুষা শবিষ্ঠ ॥৭॥

বয়ং তে অস্যামিন্দ্র দ্যুম্নহূতৌ সখায়ঃ স্যাম মহিন প্রেষ্ঠাঃ ।
প্রাতর্দনিঃ ক্ষত্রশ্রীরস্তু শ্রেষ্ঠো ঘনে বৃত্রাণাং সনয়ে ধনানাম্ ॥৮॥