সূক্ত 27

27.1

৮ বার্হস্পত্যো ভরদ্বাজঃ । ইন্দ্রঃ, ৮ অভ্যাবর্তী চায়মানঃ [ দানঃ ] । ত্রিষ্টুপ্ ।

কিমস্য মদে কিম্বস্য পীতাবিন্দ্রঃ কিমস্য সখ্যে চকার ।
রণা বা যে নিষদি কিং তে অস্য পুরা বিবিদ্রে কিমু নূতনাসঃ ॥১॥

27.2

সদস্য মদে সদ্বস্য পীতাবিন্দ্রঃ সদস্য সখ্যে চকার ।
রণা বা যে নিষদি সত্তে অস্য পুরা বিবিদ্রে সদু নূতনাসঃ ॥২॥

27.3

নহি নু তে মহিমনঃ সমস্য ন মঘবন্মঘবত্ত্বস্য বিদ্ম ।
ন রাধসোরাধসো নূতনস্যেন্দ্র নকির্দদৃশ ইন্দ্রিয়ং তে ॥৩॥

27.4

এতত্ত্যত্ত ইন্দ্রিয়মচেতি যেনাবধীর্বরশিখস্য শেষঃ ।
বজ্রস্য যত্তে নিহতস্য শুষ্মাত্স্বনাচ্চিদিন্দ্র পরমো দদার ॥৪॥

27.5

বধীদিন্দ্রো বরশিখস্য শেষোঽভ্যাবর্তিনে চায়মানায় শিক্ষন্ ।
বৃচীবতো যদ্ধরিয়ূপীয়ায়াং হন্পূর্বে অর্ধে ভিয়সাপরো দর্ৎ ॥৫॥

27.6

ত্রিংশচ্ছতং বর্মিণ ইন্দ্র সাকং যব্যাবত্যাং পুরুহূত শ্রবস্যা ।
বৃচীবন্তঃ শরবে পত্যমানাঃ পাত্রা ভিন্দানা ন্যর্থান্যায়ন্ ॥৬॥

27.7

যস্য গাবাবরুষা সূয়বস্যূ অন্তরূ ষু চরতো রেরিহাণা ।
স সৃঞ্জয়ায় তুর্বশং পরাদাদ্বৃচীবতো দৈববাতায় শিক্ষন্ ॥৭॥

27.8

দ্বয়াঁ অগ্নে রথিনো বিংশতিং গা বধূমতো মঘবা মহ্যং সম্রাট্ ।
অভ্যাবর্তী চায়মানো দদাতি দূণাশেয়ং দক্ষিণা পার্থবানাম্ ॥৮॥