সূক্ত 24

24.1

১০ বার্হস্পত্যো ভরদ্বাজঃ । ইন্দ্রঃ ।ত্রিষ্টুপ্ ।

বৃষা মদ ইন্দ্রে শ্লোক উক্থা সচা সোমেষু সুতপা ঋজীষী ।
অর্চত্র্যো মঘবা নৃভ্য উক্থৈর্দ্যুক্ষো রাজা গিরামক্ষিতোতিঃ ॥১॥

24.2

ততুরির্বীরো নর্যো বিচেতাঃ শ্রোতা হবং গৃণত উর্ব্যূতিঃ ।
বসুঃ শংসো নরাং কারুধায়া বাজী স্তুতো বিদথে দাতি বাজম্ ॥২॥

24.3

অক্ষো ন চক্র্যোঃ শূর বৃহন্ প্র তে মহ্না রিরিচে রোদস্যোঃ ।
বৃক্ষস্য নু তে পুরুহূত বয়া ব্যূ৩তয়ো রুরুহুরিন্দ্র পূর্বীঃ ॥৩॥

24.4

শচীবতস্তে পুরুশাক শাকা গবামিব স্রুতয়ঃ সংচরণীঃ ।
বত্সানাং ন তন্তয়স্ত ইন্দ্র দামন্বন্তো অদামানঃ সুদামন্ ॥৪॥

24.5

অন্যদদ্য কর্বরমন্যদু শ্বো ঽসচ্চ সন্মুহুরাচক্রিরিন্দ্রঃ ।
মিত্রো নো অত্র বরুণশ্চ পূষা ঽর্যো বশস্য পর্যেতাস্তি ॥৫॥

24.6

বি ত্বদাপো ন পর্বতস্য পৃষ্ঠাদুক্থেভিরিন্দ্রানয়ন্ত যজ্ঞৈঃ ।
তং ত্বাভিঃ সুষ্টুতিভির্বাজয়ন্ত আজিং ন জগ্মুর্গির্বাহো অশ্বাঃ ॥৬॥

24.7

ন যং জরন্তি শরদো ন মাসা ন দ্যাব ইন্দ্রমবকর্শয়ন্তি ।
বৃদ্ধস্য চিদ্ বর্ধতামস্য তনূঃ স্তোমেভিরুক্থৈশ্চ শস্যমানা ॥৭॥

24.8

ন বীলবে নমতে ন স্থিরায় ন শর্ধতে দস্যুজূতায় স্তবান্ ।
অজ্রা ইন্দ্রস্য গিরয়শ্চিদৃষ্বা গম্ভীরে চিদ্ ভবতি গাধমস্মৈ ॥৮॥

24.9

গম্ভীরেণ ন উরুণামত্রিন্ প্রেষো যন্ধি সুতপাবন্ বাজান্ ।
স্থা ঊ ষু ঊর্ধ্ব ঊতী অরিষণ্যন্নক্তোর্ব্যুষ্টৌ পরিতক্ম্যায়াম্ ॥৯॥

24.10

সচস্ব নায়মবসে অভীক ইতো বা তমিন্দ্র পাহি রিষঃ ।
অমা চৈনমরণ্যে পাহি রিষো মদেম শতহিমাঃ সুবীরাঃ ॥১০॥