সূক্ত 19

19.1

১৩ বার্হস্পত্যো ভরদ্বাজঃ । ইন্দ্রঃ ।ত্রিষ্টুপ্ ।

মহাঁ ইন্দ্রো নৃবদা চর্ষণিপ্রা উত দ্বিবর্হা অমিনঃ সহোভিঃ ।
অস্মদ্র্যগ্বাবৃধে বীর্যায়োরুঃ পৃথুঃ সুকৃতঃ কর্তৃভির্ভূৎ ॥১॥

19.2

ইন্দ্রমেব ধিষণা সাতয়ে ধাদ্ বৃহন্তমৃষ্বমজরং যুবানম্ ।
অষাল্হেন শবসা শূশুবাংসং সদ্যশ্চিদ্ যো বাবৃধে অসামি ॥২॥

19.3

পৃথূ করস্না বহুলা গভস্তী অস্মদ্র্য১ক্ সং মিমীহি শ্রবাংসি ।
যূথেব পশ্বঃ পশুপা দমূনা অস্মাঁ ইন্দ্রাভ্যা ববৃত্স্বাজৌ ॥৩॥

19.4

তং ব ইন্দ্রং চতিনমস্য শাকৈরিহ নূনং বাজয়ন্তো হুবেম ।
যথা চিৎ পূর্বে জরিতার আসুরনেদ্যা অনবদ্যা অরিষ্টাঃ ॥৪॥

19.5

ধৃতব্রতো ধনদাঃ সোমবৃদ্ধঃ স হি বামস্য বসুনঃ পুরুক্ষুঃ ।
সং জগ্মিরে পথ্যা৩ রায়ো অস্মিন্ ত্সমুদ্রে ন সিন্ধবো যাদমানাঃ ॥৫॥

19.6

শবিষ্ঠং ন আ ভর শূর শব ওজিষ্ঠমোজো অভিভূত উগ্রম্ ।
বিশ্বা দ্যুম্না বৃষ্ণ্যা মানুষাণামস্মভ্যং দা হরিবো মাদয়ধ্যৈ ॥৬॥

19.7

যস্তে মদঃ পৃতনাষালমৃধ্র ইন্দ্র তং ন আ ভর শূশুবাংসম্ ।
যেন তোকস্য তনয়স্য সাতৌ মংসীমহি জিগীবাংসস্ত্বোতাঃ ॥৭॥

19.8

আ নো ভর বৃষণং শুষ্মমিন্দ্র ধনস্পৃতং শূশুবাংসং সুদক্ষম্ ।
যেন বংসাম পৃতনাসু শত্রূন্ তবোতিভিরুত জামীঁরজামীন্ ॥৮॥

19.9

আ তে শুষ্মো বৃষভ এতু পশ্চাদোত্তরাদধরাদা পুরস্তাৎ ।
আ বিশ্বতো অভি সমেত্বর্বাঙিন্দ্র দ্যুম্নং স্বর্বদ্ধেহ্যস্মে ॥৯॥

19.10

নৃবৎ ত ইন্দ্র নৃতমাভিরূতী বংসীমহি বামং শ্রোমতেভিঃ ।
ঈক্ষে হি বস্ব উভয়স্য রাজন্ ধা রত্নং মহি স্থূরং বৃহন্তম্ ॥১০॥

19.11

মরুত্বন্তং বৃষভং বাবৃধানমকবারিং দিব্যং শাসমিন্দ্রম্ ।
বিশ্বাসাহমবসে নূতনায়োগ্রং সহোদামিহ তং হুবেম ॥১১॥

19.12

জনং বজ্রিন্ মহি চিন্মন্যমানমেভ্যো নৃভ্যো রন্ধয়া যেষ্বস্মি ।
অধা হি ত্বা পৃথিব্যাং শূরসাতৌ হবামহে তনয়ে গোষ্বপ্সু ॥১২॥

19.13

বয়ং ত এভিঃ পুরুহূত সখ্যৈঃ শত্রোঃশত্রোরুত্তর ইৎ স্যাম ।
ঘ্নন্তো বৃত্রাণ্যুভয়ানি শূর রায়া মদেম বৃহতা ত্বোতাঃ ॥১৩॥