সূক্ত 16

16.1

৪৮ বার্হস্পত্যো ভরদ্বাজঃ । অগ্নি :।গায়ত্রী; ১, ৬ বর্ধমানা;২৭, ৪৭ – ৪৮ অনুষ্টুপ্ ; ৪৬ ত্রিষ্টুপ্ ।

ত্বমগ্নে যজ্ঞানাং হোতা বিশ্বেষাং হিতঃ । দেবেভির্মানুষে জনে ॥১॥

16.2

স নো মন্দ্রাভিরধ্বরে জিহ্বাভির্যজা মহঃ । আ দেবান্ বক্ষি যক্ষি চ ॥২॥

16.3

বেত্থা হি বেধো অধ্বনঃ পথশ্চ দেবাঞ্জসা । অগ্নে যজ্ঞেষু সুক্রতো ॥৩॥

16.4

ত্বামীলে অধ দ্বিতা ভরতো বাজিভিঃ শুনম্ । ঈজে যজ্ঞেষু যজ্ঞিয়ম্ ॥৪॥

16.5

ত্বমিমা বার্যা পুরু দিবোদাসায় সুন্বতে । ভরদ্বাজায় দাশুষে ॥৫॥

16.6

ত্বং দূতো অমর্ত্য আ বহা দৈব্যং জনম্ । শৃণ্বন্ বিপ্রস্য সুষ্টুতিম্ ॥৬॥

16.7

ত্বামগ্নে স্বাধ্যো৩ মর্তাসো দেববীতয়ে । যজ্ঞেষু দেবমীলতে ॥৭॥

16.8

তব প্র যক্ষি সংদৃশমুত ক্রতুং সুদানবঃ । বিশ্বে জুষন্ত কামিনঃ ॥৮॥

16.9

ত্বং হোতা মনুর্হিতো বহ্নিরাসা বিদুষ্টরঃ । অগ্নে যক্ষি দিবো বিশঃ ॥৯॥

16.10

অগ্ন আ যাহি বীতয়ে গৃণানো হব্যদাতয়ে । নি হোতা সত্সি বর্হিষি ॥১০॥

16.11

তং ত্বা সমিদ্ভিরঙ্গিরো ঘৃতেন বর্ধয়ামসি । বৃহচ্ছোচা যবিষ্ঠ্য ॥১১॥

16.12

স নঃ পৃথু শ্রবায্যমচ্ছা দেব বিবাসসি । বৃহদগ্নে সুবীর্যম্ ॥১২॥

16.13

ত্বামগ্নে পুষ্করাদধ্যথর্বা নিরমন্থত । মূর্ধ্নো বিশ্বস্য বাঘতঃ ॥১৩॥

16.14

তমু ত্বা দধ্যঙ্ঙৃষিঃ পুত্র ঈধে অথর্বণঃ । বৃত্রহণং পুরংদরম্ ॥১৪॥

16.15

তমু ত্বা পাথ্যো বৃষা সমীধে দস্যুহন্তমম্ । ধনংজয়ং রণেরণে ॥১৫॥

16.16

এহ্যূ ষু ব্রবাণি তে ঽগ্ন ইত্থেতরা গিরঃ । এভির্বর্ধাস ইন্দুভিঃ ॥১৬॥

16.17

যত্র ক্ব চ তে মনো দক্ষং দধস উত্তরম্ । তত্রা সদঃ কৃণবসে ॥১৭॥

16.18

নহি তে পূর্তমক্ষিপদ্ ভুবন্নেমানাং বসো । অথা দুবো বনবসে ॥১৮॥

16.19

আগ্নিরগামি ভারতো বৃত্রহা পুরুচেতনঃ । দিবোদাসস্য সত্পতিঃ ॥১৯॥

16.20

স হি বিশ্বাতি পার্থিবা রয়িং দাশন্মহিত্বনা । বন্বন্নবাতো অস্তৃতঃ ॥২০॥

16.21

স প্রত্নবন্নবীয়সা ঽগ্নে দ্যুম্নেন সংয়তা । বৃহৎ ততন্থ ভানুনা ॥২১॥

16.22

প্র বঃ সখায়ো অগ্নয়ে স্তোমং যজ্ঞং চ ধৃষ্ণুয়া । অর্চ গায় চ বেধসে ॥২২॥

16.23

স হি যো মানুষা যুগা সীদদ্ধোতা কবিক্রতুঃ । দূতশ্চ হব্যবাহনঃ ॥২৩॥

16.24

তা রাজানা শুচিব্রতা ঽঽদিত্যান্ মারুতং গণম্ । বসো যক্ষীহ রোদসী ॥২৪॥

16.25

বস্বী তে অগ্নে সংদৃষ্টিরিষয়তে মর্ত্যায় । ঊর্জো নপাদমৃতস্য ॥২৫॥

16.26

ক্রত্বা দা অস্তু শ্রেষ্ঠো ঽদ্য ত্বা বন্বন্ ত্সুরেক্ণাঃ । মর্ত আনাশ সুবৃক্তিম্ ॥২৬॥

16.27

তে তে অগ্নে ত্বোতা ইষয়ন্তো বিশ্বমায়ুঃ । তরন্তো অর্যো অরাতীর্বন্বন্তো অর্যো অরাতীঃ ॥২৭॥

16.28

অগ্নিস্তিগ্মেন শোচিষা যাসদ্ বিশ্বং ন্য১ত্রিণম্ । অগ্নির্নো বনতে রয়িম্ ॥২৮॥

16.29

সুবীরং রয়িমা ভর জাতবেদো বিচর্ষণে । জহি রক্ষাংসি সুক্রতো ॥২৯॥

16.30

ত্বং নঃ পাহ্যংহসো জাতবেদো অঘায়তঃ । রক্ষা ণো ব্রহ্মণস্কবে ॥৩০॥

16.31

যো নো অগ্নে দুরেব আ মর্তো বধায় দাশতি । তস্মান্নঃ পাহ্যংহসঃ ॥৩১॥

16.32

ত্বং তং দেব জিহ্বয়া পরি বাধস্ব দুষ্কৃতম্ । মর্তো যো নো জিঘাংসতি ॥৩২॥

16.33

ভরদ্বাজায় সপ্রথঃ শর্ম যচ্ছ সহন্ত্য । অগ্নে বরেণ্যং বসু ॥৩৩॥

16.34

অগ্নির্বৃত্রাণি জঙ্ঘনদ্ দ্রবিণস্যুর্বিপন্যয়া । সমিদ্ধঃ শুক্র আহুতঃ ॥৩৪॥

16.35

গর্ভে মাতুঃ পিতুষ্পিতা বিদিদ্যুতানো অক্ষরে । সীদন্নৃতস্য যোনিমা ॥৩৫॥

16.36

ব্রহ্ম প্রজাবদা ভর জাতবেদো বিচর্ষণে । অগ্নে যদ্ দীদয়দ্ দিবি ॥৩৬॥

16.37

উপ ত্বা রণ্বসংদৃশং প্রয়স্বন্তঃ সহস্কৃত । অগ্নে সসৃজ্মহে গিরঃ ॥৩৭॥

16.38

উপ চ্ছায়ামিব ঘৃণেরগন্ম শর্ম তে বয়ম্ । অগ্নে হিরণ্যসংদৃশঃ ॥৩৮॥

16.39

য উগ্র ইব শর্যহা তিগ্মশৃঙ্গো ন বংসগঃ । অগ্নে পুরো রুরোজিথ ॥৩৯॥

16.40

আ যং হস্তে ন খাদিনং শিশুং জাতং ন বিভ্রতি । বিশামগ্নিং স্বধ্বরং ॥৪০॥

16.41

প্র দেবং দেববীতয়ে ভরতা বসুবিত্তমম্ । আ স্বে যোনৌ নি ষীদতু ॥৪১॥

16.42

আ জাতং জাতবেদসি প্রিয়ং শিশীতাতিথিম্ । স্যোন আ গৃহপতিম্ ॥৪২॥

16.43

অগ্নে যুক্ষ্বা হি যে তবাঽশ্বাসো দেব সাধবঃ । অরং বহন্তি মন্যবে ॥৪৩॥

16.44

অচ্ছা নো যাহ্যা বহাঽভি প্রয়াংসি বীতয়ে । আ দেবান্ ত্সোমপীতয়ে ॥৪৪॥

16.45

উদগ্নে ভারত দ্যুমদজস্রেণ দবিদ্যুতৎ । শোচা বি ভাহ্যজর ॥৪৫॥

16.46

বীতী যো দেবং মর্তো দুবস্যেদগ্নিমীলীতাধ্বরে হবিষ্মান্ ।
হোতারং সত্যয়জং রোদস্যোরুত্তানহস্তো নমসা বিবাসেৎ ॥৪৬॥

16.47

আ তে অগ্ন ঋচা হবির্হৃদা তষ্টং ভরামসি । তে তে ভবন্তূক্ষণ ঋষভাসো বশা উত ॥৪৭॥

16.48

অগ্নিং দেবাসো অগ্রিয়মিন্ধতে বৃত্রহন্তমম্ । যেনা বসূন্যাভৃতা তৃল্হা রক্ষাংসি বাজিনা ॥৪৮॥