সূক্ত 81

81.1

৫ শ্যাবাশ্ব আত্রেয়ঃ। সবিতা। জগতী।

যুঞ্জতে মন উত যুঞ্জতে ধিয়ো বিপ্রা বিপ্রস্য বৃহতো বিপশ্চিতঃ ।
বি হোত্রা দধে বয়ুনাবিদেক ইন্মহী দেবস্য সবিতুঃ পরিষ্টুতিঃ ॥১॥

81.2

বিশ্বা রূপাণি প্রতি মুঞ্চতে কবিঃ প্রাসাবীদ্ ভদ্রং দ্বিপদে চতুষ্পদে ।
বি নাকমখ্যৎ সবিতা বরেণ্যোঽনু প্রয়াণমুষসো বি রাজতি ॥২॥

81.3

যস্য প্রয়াণমন্বন্য ইদ্ যয়ুর্দেবা দেবস্য মহিমানমোজসা ।
যঃ পার্থিবানি বিমমে স এতশো রজাংসি দেবঃ সবিতা মহিত্বনা ॥৩॥

81.4

উত যাসি সবিতস্ত্রীণি রোচনোত সূর্যস্য রশ্মিভিঃ সমুচ্যসি ।
উত রাত্রীমুভয়তঃ পরীয়স উত মিত্রো ভবসি দেব ধর্মভিঃ ॥৪॥

81.5

উতেশিষে প্রসবস্য ত্বমেক ইদুত পূষা ভবসি দেব যামভিঃ ।
উতেদং বিশ্বং ভুবনং বি রাজসি শ্যাবাশ্বস্তে সবিত স্তোমমানশে ॥৫॥