সূক্ত 80

80.1

৬ সত্যশ্রবা আত্রেয়ঃ। উষা। ত্রিষ্টুপ্।

দ্যুতদ্যামানং বৃহতীমৃতেন ঋতাবরীমরুণপ্সুং বিভাতীম্ ।
দেবীমুষসং স্বরাবহন্তীং প্রতি বিপ্রাসো মতিভির্জরন্তে ॥১॥

80.2

এষা জনং দর্শতা বোধয়ন্তী সুগান্ পথঃ কৃণ্বতী যাত্যগ্রে ।
বৃহদ্রথা বৃহতী বিশ্বমিন্বোষা জ্যোতির্যচ্ছত্যগ্রে অহ্নাম্ ॥২॥

80.3

এষা গোভিররুণেভির্যুজানা ঽস্রেধন্তী রয়িমপ্রায়ু চক্রে ।
পথো রদন্তী সুবিতায় দেবী পুরুষ্টুতা বিশ্ববারা বি ভাতি ॥৩॥

80.4

এষা ব্যেনী ভবতি দ্বিবর্হা আবিষ্কৃণ্বানা তন্বং পুরস্তাৎ ।
ঋতস্য পন্থামন্বেতি সাধু প্রজানতীব ন দিশো মিনাতি ॥৪॥

80.5

এষা শুভ্রা ন তন্বো বিদানোর্ধ্বেব স্নাতী দৃশয়ে নো অস্থাৎ ।
অপ দ্বেষো বাধমানা তমাংস্যুষা দিবো দুহিতা জ্যোতিষাগাৎ ॥৫॥

80.6

এষা প্রতীচী দুহিতা দিবো নৄন্ যোষেব ভদ্রা নি রিণীতে অপ্সঃ ।
ব্যূর্ণ্বতী দাশুষে বার্যাণি পুনর্জ্যোতির্যুবতিঃ পূর্বথাকঃ ॥৬॥