সূক্ত 82

82.1

৯ শ্যাবাশ্ব আত্রেয়ঃ। সবিতা। গায়ত্রী, ১ অনুষ্টুপ্।

তৎ সবিতুর্বৃণীমহে বয়ং দেবস্য ভোজনম্ । শ্রেষ্ঠং সর্বধাতমং তুরং ভগস্য ধীমহি ॥১॥

82.2

অস্য হি স্বয়শস্তরং সবিতুঃ কচ্চন প্রিয়ম্ । ন মিনন্তি স্বরাজ্যম্ ॥২॥

82.3

স হি রত্নানি দাশুষে সুবাতি সবিতা ভগঃ । তং ভাগং চিত্রমীমহে ॥৩॥

82.4

অদ্যা নো দেব সবিতঃ প্রজাবৎ সাবীঃ সৌভগম্ । পরা দুষ্ষ্বপ্ন্যং সুব ॥৪॥

82.5

বিশ্বানি দেব সবিতর্দুরিতানি পরা সুব । যদ্ ভদ্রং তন্ন আ সুব ॥৫॥

82.6

অনাগসো অদিতয়ে দেবস্য সবিতুঃ সবে । বিশ্বা বামানি ধীমহি ॥৬॥

82.7

আ বিশ্বদেবং সত্পতিং সূক্তৈরদ্যা বৃণীমহে । সত্যসবং সবিতারম্ ॥৭॥

82.8

য ইমে উভে অহনী পুর এত্যপ্রয়ুচ্ছন্ । স্বাধীর্দেবঃ সবিতা ॥৮॥

82.9

য ইমা বিশ্বা জাতান্যাশ্রাবয়তি শ্লোকেন । প্র চ সুবাতি সবিতা ॥৯॥