সূক্ত 78

78.1

৯ সপ্তবধ্রিরাত্রেয়ঃ। অশ্বিনৌ(৫-৯ গর্ভস্রাবিণ্যুপনিষদ্)। অনুষ্টুপ্, ১-৩ উষ্ণিক্, ৪ ত্রিষ্টুপ্।

অশ্বিনাবেহ গচ্ছতং নাসত্যা মা বি বেনতম্ । হংসাবিব পততমা সুতাঁ উপ ॥১॥

78.2

অশ্বিনা হরিণাবিব গৌরাবিবানু যবসম্ । হংসাবিব পততমা সুতাঁ উপ ॥২॥

78.3

অশ্বিনা বাজিনীবসূ জুষেথাং যজ্ঞমিষ্টয়ে । হংসাবিব পততমা সুতাঁ উপ ॥৩॥

78.4

অত্রির্যদ্ বামবরোহন্নৃবীসমজোহবীন্নাধমানেব যোষা ।
শ্যেনস্য চিজ্জবসা নূতনেনা ঽঽগচ্ছতমশ্বিনা শংতমেন ॥৪॥

78.5

বি জিহীষ্ব বনস্পতে যোনিঃ সূষ্যন্ত্যা ইব । শ্রুতং মে অশ্বিনা হবং সপ্তবধ্রিং চ মুঞ্চতম্ ॥৫॥

78.6

ভীতায় নাধমানায় ঋষয়ে সপ্তবধ্রয়ে । মায়াভিরশ্বিনা যুবং বৃক্ষং সং চ বি চাচথঃ ॥৬॥

78.7

যথা বাতঃ পুষ্করিণীং সমিঙ্গয়তি সর্বতঃ । এবা তে গর্ভ এজতু নিরৈতু দশমাস্যঃ ॥৭॥

78.8

যথা বাতো যথা বনং যথা সমুদ্র এজতি । এবা ত্বং দশমাস্য সহাবেহি জরায়ুণা ॥৮॥

78.9

দশ মাসাঞ্ছশয়ানঃ কুমারো অধি মাতরি । নিরৈতু জীবো অক্ষতো জীবো জীবন্ত্যা অধি ॥৯॥