সূক্ত 77

77.1

৫ ভৌমোঽত্রিঃ। অশ্বিনৌ। ত্রিষ্টুপ্।

প্রাতর্যাবাণা প্রথমা যজধ্বং পুরা গৃধ্রাদররুষঃ পিবাতঃ ।
প্রাতর্হি যজ্ঞমশ্বিনা দধাতে প্র শংসন্তি কবয়ঃ পূর্বভাজঃ ॥১॥

77.2

প্রাতর্যজধ্বমশ্বিনা হিনোত ন সায়মস্তি দেবয়া অজুষ্টম্ ।
উতান্যো অস্মদ্ যজতে বি চাবঃ পূর্বঃপূর্বো যজমানো বনীয়ান্ ॥২॥

77.3

হিরণ্যত্বঙ্মধুবর্ণো ঘৃতস্নুঃ পৃক্ষো বহন্না রথো বর্ততে বাম্ ।
মনোজবা অশ্বিনা বাতরংহা যেনাতিয়াথো দুরিতানি বিশ্বা ॥৩॥

77.4

যো ভূয়িষ্ঠং নাসত্যাভ্যাং বিবেষ চনিষ্ঠং পিত্বো ররতে বিভাগে ।
স তোকমস্য পীপরচ্ছমীভিরনূর্ধ্বভাসঃ সদমিৎ তুতুর্যাৎ ॥৪॥

77.5

সমশ্বিনোরবসা নূতনেন ময়োভুবা সুপ্রণীতী গমেম ।
আ নো রয়িং বহতমোত বীরানা বিশ্বান্যমৃতা সৌভগানি ॥৫॥