সূক্ত 76

76.1

৫ ভৌমোঽত্রিঃ। অশ্বিনৌ। ত্রিষ্টুপ্।

আ ভাত্যগ্নিরুষসামনীকমুদ্ বিপ্রাণাং দেবয়া বাচো অস্থুঃ ।
অর্বাঞ্চা নূনং রথ্যেহ যাতং পীপিবাংসমশ্বিনা ঘর্মমচ্ছ ॥১॥

76.2

ন সংস্কৃতং প্র মিমীতো গমিষ্ঠা ঽন্তি নূনমশ্বিনোপস্তুতেহ ।
দিবাভিপিত্বেঽবসাগমিষ্ঠা প্রত্যবর্তিং দাশুষে শম্ভবিষ্ঠা ॥২॥

76.3

উতা যাতং সংগবে প্রাতরহ্নো মধ্যংদিন উদিতা সূর্যস্য ।
দিবা নক্তমবসা শংতমেন নেদানীং পীতিরশ্বিনা ততান ॥৩॥

76.4

ইদং হি বাং প্রদিবি স্থানমোক ইমে গৃহা অশ্বিনেদং দুরোণম্ ।
আ নো দিবো বৃহতঃ পর্বতাদা ঽদ্ভ্যো যাতমিষমূর্জং বহন্তা ॥৪॥

76.5

সমশ্বিনোরবসা নূতনেন ময়োভুবা সুপ্রণীতী গমেম ।
আ নো রয়িং বহতমোত বীরানা বিশ্বান্যমৃতা সৌভগানি ॥৫॥