Sukta 77

77.1

5 bhaumotrih, ashvinau, trishtup

प्रा॒त॒र्यावा॑णा प्रथ॒मा य॑जध्वं पु॒रा गृध्रा॒दर॑रुषः पिबातः ।
प्रा॒तर्हि य॒ज्ञम॒श्विना॑ द॒धाते॒ प्र शं॑सन्ति क॒वय॑ः पूर्व॒भाज॑ः ॥१॥

Prataryavana prathama yajadhvam pura gridhradararushah pibatah
Pratarhi yagyamashvina dadhate pra shansanti kavayah purvabhajah

प्रा॒तर्य॑जध्वम॒श्विना॑ हिनोत॒ न सा॒यम॑स्ति देव॒या अजु॑ष्टम् ।
उ॒तान्यो अ॒स्मद् य॑जते॒ वि चाव॒ः पूर्व॑ःपूर्वो॒ यज॑मानो॒ वनी॑यान् ॥२॥

Prataryajadhvamashvina hinota na sayamasti devaya ajushtam
Utanyo asmad yajate vi chavah purvahpurvo yajamano vaniyan

हिर॑ण्यत्व॒ङ्मधु॑वर्णो घृ॒तस्नु॒ः पृक्षो॒ वह॒न्ना रथो॑ वर्तते वाम् ।
मनो॑जवा अश्विना॒ वात॑रंहा॒ येना॑तिया॒थो दु॑रि॒तानि॒ विश्वा॑ ॥३॥

Hiranyatvanmadhuvarno ghritasnuh priksho vahanna ratho vartate vam
Manojava ashvina vataranha yenatiyatho duritani vishva

यो भूयि॑ष्ठं॒ नास॑त्याभ्यां वि॒वेष॒ चनि॑ष्ठं पि॒त्वो रर॑ते विभा॒गे ।
स तो॒कम॑स्य पीपर॒च्छमी॑भि॒रनू॑र्ध्वभास॒ः सद॒मित् तु॑तुर्यात् ॥४॥

Yo bhuyishtham nasatyabhyam vivesha chanishtham pitvo rarate vibhage
Sa tokamasya piparachchhamibhiranurdhvabhasah sadamit tuturyat

सम॒श्विनो॒रव॑सा॒ नूत॑नेन मयो॒भुवा॑ सु॒प्रणी॑ती गमेम ।
आ नो॑ र॒यिं व॑हत॒मोत वी॒राना विश्वा॑न्यमृता॒ सौभ॑गानि ॥५॥

Samashvinoravasa nutanena mayobhuva supraniti gamema
A no rayim vahatamota virana vishvanyamrita saubhagani