সূক্ত 66

66.1

৬ রাতহব্য আত্রেয়ঃ। মিত্রাবরুণৌ। অনুষ্টুপ্।

আ চিকিতান সুক্রতূ দেবৌ মর্ত রিশাদসা । বরুণায় ঋতপেশসে দধীত প্রয়সে মহে ॥১॥

66.2

তা হি ক্ষত্রমবিহ্রুতং সম্যগসুর্য১মাশাতে । অধ ব্রতেব মানুষং স্ব১র্ণ ধায়ি দর্শতম্ ॥২॥

66.3

তা বামেষে রথানামুর্বীং গব্যূতিমেষাম্ । রাতহব্যস্য সুষ্টুতিং দধৃক্ স্তোমৈর্মনামহে ॥৩॥

66.4

অধা হি কাব্যা যুবং দক্ষস্য পূর্ভিরদ্ভুতা । নি কেতুনা জনানাং চিকেথে পূতদক্ষসা ॥৪॥

66.5

তদৃতং পৃথিবি বৃহচ্ছ্রবএষ ঋষীণাম্ । জ্রয়সানাবরং পৃথ্বতি ক্ষরন্তি যামভিঃ ॥৫॥

66.6

আ যদ্ বামীয়চক্ষসা মিত্র বয়ং চ সূরয়ঃ । ব্যচিষ্ঠে বহুপায্যে যতেমহি স্বরাজ্যে ॥৬॥