সূক্ত 65

65.1

৬ রাতহব্য আত্রেয়ঃ। মিত্রাবরুণৌ। অনুষ্টুপ্, ৬ পঙ্ক্তিঃ।

যশ্চিকেত স সুক্রতুর্দেবত্রা স ব্রবীতু নঃ । বরুণো যস্য দর্শতো মিত্রো বা বনতে গিরঃ ॥১॥

65.2

তা হি শ্রেষ্ঠবর্চসা রাজানা দীর্ঘশ্রুত্তমা । তা সত্পতী ঋতাবৃধ ঋতাবানা জনেজনে ॥২॥

65.3

তা বামিয়ানোঽবসে পূর্বা উপ ব্রুবে সচা । স্বশ্বাসঃ সু চেতুনা বাজাঁ অভি প্র দাবনে ॥৩॥

65.4

মিত্রো অংহোশ্চিদাদুরু ক্ষয়ায় গাতুং বনতে । মিত্রস্য হি প্রতূর্বতঃ সুমতিরস্তি বিধতঃ ॥৪॥

65.5

বয়ং মিত্রস্যাবসি স্যাম সপ্রথস্তমে । অনেহসস্ত্বোতয়ঃ সত্রা বরুণশেষসঃ ॥৫॥

65.6

যুবং মিত্রেমং জনং যতথঃ সং চ নয়থঃ ।
মা মঘোনঃ পরি খ্যতং মো অস্মাকমৃষীণাং গোপীথে ন উরুষ্যতম্ ॥৬॥