সূক্ত 64

64.1

৭ অর্চনানা আত্রেয়ঃ। মিত্রাবরুণৌ। অনুষ্টুপ্, ৭ পঙ্ক্তিঃ।

বরুণং বো রিশাদসমৃচা মিত্রং হবামহে । পরি ব্রজেব বাহ্বোর্জগন্বাংসা স্বর্ণরম্ ॥১॥

64.2

তা বাহবা সুচেতুনা প্র যন্তমস্মা অর্চতে । শেবং হি জার্যং বাং বিশ্বাসু ক্ষাসু জোগুবে ॥২॥

64.3

যন্নূনমশ্যাং গতিং মিত্রস্য যায়াং পথা । অস্য প্রিয়স্য শর্মণ্যহিংসানস্য সশ্চিরে ॥৩॥

64.4

যুবাভ্যাং মিত্রাবরুণোপমং ধেয়ামৃচা । যদ্ধ ক্ষয়ে মঘোনাং স্তোতৄণাং চ স্পূর্ধসে ॥৪॥

64.5

আ নো মিত্র সুদীতিভির্বরুণশ্চ সধস্থ আ । স্বে ক্ষয়ে মঘোনাং সখীনাং চ বৃধসে ॥৫॥

64.6

যুবং নো যেষু বরুণ ক্ষত্রং বৃহচ্চ বিভৃথঃ । উরু ণো বাজসাতয়ে কৃতং রায়ে স্বস্তয়ে ॥৬॥

64.7

উচ্ছন্ত্যাং মে যজতা দেবক্ষত্রে রুশদ্গবি ।
সুতং সোমং ন হস্তিভিরা পড্ভির্ধাবতং নরা বিভ্রতাবর্চনানসম্ ॥৭॥