সূক্ত 67

67.1

৫ যজত আত্রেয়ঃ। মিত্রাবরুণৌ। অনুষ্টুপ্।

বলিত্থা দেব নিষ্কৃতমাদিত্যা যজতং বৃহৎ । বরুণ মিত্রার্যমন্ বর্ষিষ্ঠং ক্ষত্রমাশাথে ॥১॥

67.2

আ যদ্ যোনিং হিরণ্যয়ং বরুণ মিত্র সদথঃ । ধর্তারা চর্ষণীনাং যন্তং সুম্নং রিশাদসা ॥২॥

67.3

বিশ্বে হি বিশ্ববেদসো বরুণো মিত্রো অর্যমা । ব্রতা পদেব সশ্চিরে পান্তি মর্ত্যং রিষঃ ॥৩॥

67.4

তে হি সত্যা ঋতস্পৃশ ঋতাবানো জনেজনে । সুনীথাসঃ সুদানবোংঽহোশ্চিদুরুচক্রয়ঃ ॥৪॥

67.5

কো নু বাং মিত্রাস্তুতো বরুণো বা তনূনাম্ । তৎ সু বামেষতে মতিরত্রিভ্য এষতে মতিঃ ॥৫॥