Sukta 66

66.1

6 ratahavya atreyah, mitravarunau, anushtup

आ चि॑कितान सु॒क्रतू॑ दे॒वौ म॑र्त रि॒शाद॑सा । वरु॑णाय ऋ॒तपे॑शसे दधी॒त प्रय॑से म॒हे ॥१॥

A chikitana sukratu devau marta rishadasa, varunaya ritapeshase dadhita prayase mahe

ता हि क्ष॒त्रमवि॑ह्रुतं स॒म्यग॑सु॒र्य१माशा॑ते । अध॑ व्र॒तेव॒ मानु॑षं॒ स्व१र्ण धा॑यि दर्श॒तम् ॥२॥

Ta hi kshatramavihrutam samyagasurya1mashate, adha vrateva manusham sva1rna dhayi darshatam

ता वा॒मेषे॒ रथा॑नामु॒र्वीं गव्यू॑तिमेषाम् । रा॒तह॑व्यस्य सुष्टु॒तिं द॒धृक् स्तोमै॑र्मनामहे ॥३॥

Ta vameshe rathanamurvim gavyutimesham, ratahavyasya sushtutim dadhrik stomairmanamahe

अधा॒ हि काव्या॑ यु॒वं दक्ष॑स्य पू॒र्भिर॑द्भुता । नि के॒तुना॒ जना॑नां चि॒केथे॑ पूतदक्षसा ॥४॥

Adha hi kavya yuvam dakshasya purbhiradbhuta, ni ketuna jananam chikethe putadakshasa

तदृ॒तं पृ॑थिवि बृ॒हच्छ्र॑वए॒ष ऋषी॑णाम् । ज्र॒य॒सा॒नावरं॑ पृ॒थ्वति॑ क्षरन्ति॒ याम॑भिः ॥५॥

Tadritam prithivi brihachchhravaesha rishinam, jrayasanavaram prithvati ksharanti yamabhih

आ यद् वा॑मीयचक्षसा॒ मित्र॑ व॒यं च॑ सू॒रय॑ः । व्यचि॑ष्ठे बहु॒पाय्ये॒ यते॑महि स्व॒राज्ये॑ ॥६॥

A yad vamiyachakshasa mitra vayam cha surayah, vyachishthe bahupayye yatemahi svarajye