সূক্ত 60

60.1

৮ শ্যাবাশ্ব আত্রেয়ঃ। মরুতোঽগ্নামরুতৌ বা। ত্রিষ্টুপ্, ৭- ৮ জগতী ।

ঈলে অগ্নিং স্ববসং নমোভিরিহ প্রসত্তো বি চয়ৎ কৃতং নঃ ।
রথৈরিব প্র ভরে বাজয়দ্ভিঃ প্রদক্ষিণিন্মরুতাং স্তোমমৃধ্যাম্ ॥১॥

60.2

আ যে তস্থুঃ পৃষতীষু শ্রুতাসু সুখেষু রুদ্রা মরুতো রথেষু ।
বনা চিদুগ্রা জিহতে নি বো ভিয়া পৃথিবী চিদ্ রেজতে পর্বতশ্চিৎ ॥২॥

60.3

পর্বতশ্চিন্মহি বৃদ্ধো বিভায় দিবশ্চিৎ সানু রেজত স্বনে বঃ ।
যৎ ক্রীলথ মরুত ঋষ্টিমন্ত আপ ইব সধ্র্যঞ্চো ধবধ্বে ॥৩॥

60.4

বরা ইবেদ্ রৈবতাসো হিরণ্যৈরভি স্বধাভিস্তন্বঃ পিপিশ্রে ।
শ্রিয়ে শ্রেয়াংসস্তবসো রথেষু সত্রা মহাংসি চক্রিরে তনূষু ॥৪॥

60.5

অজ্যেষ্ঠাসো অকনিষ্ঠাস এতে সং ভ্রাতরো বাবৃধুঃ সৌভগায় ।
যুবা পিতা স্বপা রুদ্র এষাং সুদুঘা পৃশ্নিঃ সুদিনা মরুদ্ভ্যঃ ॥৫॥

60.6

যদুত্তমে মরুতো মধ্যমে বা যদ্ বাবমে সুভগাসো দিবি ষ্ঠ ।
অতো নো রুদ্রা উত বা ন্ব১স্যাঽগ্নে বিত্তাদ্ধবিষো যদ্ যজাম ॥৬॥

60.7

অগ্নিশ্চ যন্মরুতো বিশ্ববেদসো দিবো বহধ্ব উত্তরাদধি ষ্ণুভিঃ ।
তে মন্দসানা ধুনয়ো রিশাদসো বামং ধত্ত যজমানায় সুন্বতে ॥৭॥

60.8

অগ্নে মরুদ্ভিঃ শুভয়দ্ভির্ঋক্বভিঃ সোমং পিব মন্দসানো গণশ্রিভিঃ ।
পাবকেভির্বিশ্বমিন্বেভিরায়ুভির্বৈশ্বানর প্রদিবা কেতুনা সজূঃ ॥৮॥