সূক্ত 59

59.1

৮ শ্যাবাশ্ব আত্রেয়ঃ। মরুতঃ। জগতী, ৮ ত্রিষ্টুপ্ ।

প্র বঃ স্পলক্রন্ ত্সুবিতায় দাবনেঽর্চা দিবে প্র পৃথিব্যা ঋতং ভরে ।
উক্ষন্তে অশ্বান্ তরুষন্ত আ রজোঽনু স্বং ভানুং শ্রথয়ন্তে অর্ণবৈঃ ॥১॥

59.2

অমাদেষাং ভিয়সা ভূমিরেজতি নৌর্ন পূর্ণা ক্ষরতি ব্যথির্যতী ।
দূরেদৃশো যে চিতয়ন্ত এমভিরন্তর্মহে বিদথে যেতিরে নরঃ ॥২॥

59.3

গবামিব শ্রিয়সে শৃঙ্গমুত্তমং সূর্যো ন চক্ষূ রজসো বিসর্জনে ।
অত্যা ইব সুভ্ব১শ্চারবঃ স্থন মর্যা ইব শ্রিয়সে চেতথা নরঃ ॥৩॥

59.4

কো বো মহান্তি মহতামুদশ্নবৎ কস্কাব্যা মরুতঃ কো হ পৌংস্যা ।
যূয়ং হ ভূমিং কিরণং ন রেজথ প্র যদ্ ভরধ্বে সুবিতায় দাবনে ॥৪॥

59.5

অশ্বা ইবেদরুষাসঃ সবন্ধবঃ শূরা ইব প্রয়ুধঃ প্রোত যুয়ুধুঃ ।
মর্যা ইব সুবৃধো বাবৃধুর্নরঃ সূর্যস্য চক্ষুঃ প্র মিনন্তি বৃষ্টিভিঃ ॥৫॥

59.6

তে অজ্যেষ্ঠা অকনিষ্ঠাস উদ্ভিদোঽমধ্যমাসো মহসা বি বাবৃধুঃ ।
সুজাতাসো জনুষা পৃশ্নিমাতরো দিবো মর্যা আ নো অচ্ছা জিগাতন ॥৬॥

59.7

বয়ো ন যে শ্রেণীঃ পপ্তুরোজসা ঽন্তান্ দিবো বৃহতঃ সানুনস্পরি ।
অশ্বাস এষামুভয়ে যথা বিদুঃ প্র পর্বতস্য নভনূঁরচুচ্যবুঃ ॥৭॥

59.8

মিমাতু দ্যৌরদিতির্বীতয়ে নঃ সং দানুচিত্রা উষসো যতন্তাম্ ।
আচুচ্যবুর্দিব্যং কোশমেত ঋষে রুদ্রস্য মরুতো গৃণানাঃ ॥৮॥