সূক্ত 56

56.1

৯ শ্যাবাশ্ব আত্রেয়ঃ। মরুতঃ। বৃহতী, ৩, ৭ সতোবৃহতী ।

অগ্নে শর্ধন্তমা গণং পিষ্টং রুক্মেভিরঞ্জিভিঃ ।
বিশো অদ্য মরুতামব হ্বয়ে দিবশ্চিদ্ রোচনাদধি ॥১॥

56.2

যথা চিন্মন্যসে হৃদা তদিন্মে জগ্মুরাশসঃ ।
যে তে নেদিষ্ঠং হবনান্যাগমন্ তান্ বর্ধ ভীমসংদৃশঃ ॥২॥

56.3

মীলহুষ্মতীব পৃথিবী পরাহতা মদন্ত্যেত্যস্মদা ।
ঋক্ষো ন বো মরুতঃ শিমীবাঁ অমো দুধ্রো গৌরিব ভীময়ুঃ ॥৩॥

56.4

নি যে রিণন্ত্যোজসা বৃথা গাবো ন দুর্ধুরঃ ।
অশ্মানং চিৎ স্বর্যং১ পর্বতং গিরিং প্র চ্যাবয়ন্তি যামভিঃ ॥৪॥

56.5

উৎ তিষ্ঠ নূনমেষাং স্তোমৈঃ সমুক্ষিতানাম্ ।
মরুতাং পুরুতমমপূর্ব্যং গবাং সর্গমিব হ্বয়ে ॥৫॥

56.6

যুঙ্গ্ধ্বং হ্যরুষী রথে যুঙ্গ্ধ্বং রথেষু রোহিতঃ ।
যুঙ্গ্ধ্বং হরী অজিরা ধুরি বোলহবে বহিষ্ঠা ধুরি বোলহবে ॥৬॥

56.7

উত স্য বাজ্যরুষস্তুবিষ্বণিরিহ স্ম ধায়ি দর্শতঃ ।
মা বো যামেষু মরুতশ্চিরং করৎ প্র তং রথেষু চোদত ॥৭॥

56.8

রথং নু মারুতং বয়ং শ্রবস্যুমা হুবামহে ।
আ যস্মিন্ তস্থৌ সুরণানি বিভ্রতী সচা মরুত্সু রোদসী ॥৮॥

56.9

তং বঃ শর্ধং রথেশুভং ত্বেষং পনস্যুমা হুবে ।
যস্মিন্ ত্সুজাতা সুভগা মহীয়তে সচা মরুত্সু মীলহুষী ॥৯॥