সূক্ত 50

50.1

৫ স্বস্ত্যাত্রেয়ঃ। বিশ্বে দেবাঃ। অনুষ্টুপ্, ৫ পঙ্ক্তিঃ।

বিশ্বো দেবস্য নেতুর্মর্তো বুরীত সখ্যম্ ।
বিশ্বো রায় ইষুধ্যতি দ্যুম্নং বৃণীত পুষ্যসে ॥১॥

তে তে দেব নেতর্যে চেমাঁ অনুশসে ।
তে রায়া তে হ্যা৩পৃচে সচেমহি সচথ্যৈঃ ॥২॥

অতো ন আ নৄনতিথীনতঃ পত্নীর্দশস্যত ।
আরে বিশ্বং পথেষ্ঠাং দ্বিষো যুয়োতু যূয়ুবিঃ ॥৩॥

যত্র বহ্নিরভিহিতো দুদ্রবদ্ দ্রোণ্যঃ পশুঃ ।
নৃমণা বীরপস্ত্যোঽর্ণা ধীরেব সনিতা ॥৪॥

এষ তে দেব নেতা রথস্পতিঃ শং রয়িঃ ।
শং রায়ে শং স্বস্তয় ইষঃস্তুতো মনামহে দেবস্তুতো মনামহে ॥৫॥