সূক্ত 49

49.1

৫ প্রতিপ্রভ আত্রেয়ঃ, (৫ তৃণপাণিঃ)। বিশ্বে দেবাঃ। ত্রিষ্টুপ্।

দেবং বো অদ্য সবিতারমেষে ভগং চ রত্নং বিভজন্তমায়োঃ ।
আ বাং নরা পুরুভুজা ববৃত্যাং দিবেদিবে চিদশ্বিনা সখীয়ন্ ॥১॥

49.2

প্রতি প্রয়াণমসুরস্য বিদ্বান্ ত্সূক্তৈর্দেবং সবিতারং দুবস্য ।
উপ ব্রুবীত নমসা বিজানঞ্জ্যেষ্ঠং চ রত্নং বিভজন্তমায়োঃ ॥২॥

49.3

অদত্রয়া দয়তে বার্যাণি পূষা ভগো অদিতির্বস্ত উস্রঃ ।
ইন্দ্রো বিষ্ণুর্বরুণো মিত্রো অগ্নিরহানি ভদ্রা জনয়ন্ত দস্মাঃ ॥৩॥

49.4

তন্নো অনর্বা সবিতা বরূথং তৎ সিন্ধব ইষয়ন্তো অনু গ্মন্ ।
উপ যদ্ বোচে অধ্বরস্য হোতা রায়ঃ স্যাম পতয়ো বাজরত্নাঃ ॥৪॥

49.5

প্র যে বসুভ্য ঈবদা নমো দুর্যে মিত্রে বরুণে সূক্তবাচঃ ।
অবৈত্বভ্বং কৃণুতা বরীয়ো দিবস্পৃথিব্যোরবসা মদেম ॥৫॥