সূক্ত 48

48.1

৫ প্রতিভানুরাত্রেয়ঃ। বিশ্বে দেবাঃ। জগতী।

কদু প্রিয়ায় ধাম্নে মনামহে স্বক্ষত্রায় স্বয়শসে মহে বয়ম্ ।
আমেন্যস্য রজসো যদভ্র আঁ অপো বৃণানা বিতনোতি মায়িনী ॥১॥

48.2

তা অত্নত বয়ুনং বীরবক্ষণং সমান্যা বৃতয়া বিশ্বমা রজঃ ।
অপো অপাচীরপরা অপেজতে প্র পূর্বাভিস্তিরতে দেবয়ুর্জনঃ ॥২॥

48.3

আ গ্রাবভিরহন্যেভিরক্তুভির্বরিষ্ঠং বজ্রমা জিঘর্তি মায়িনি ।
শতং বা যস্য প্রচরন্ ত্স্বে দমে সংবর্তয়ন্তো বি চ বর্তয়ন্নহা ॥৩॥

48.4

তামস্য রীতিং পরশোরিব প্রত্যনীকমখ্যং ভুজে অস্য বর্পসঃ ।
সচা যদি পিতুমন্তমিব ক্ষয়ং রত্নং দধাতি ভরহূতয়ে বিশে ॥৪॥

48.5

স জিহ্বয়া চতুরনীক ঋঞ্জতে চারু বসানো বরুণো যতন্নরিম্ ।
ন তস্য বিদ্ম পুরুষত্বতা বয়ং যতো ভগঃ সবিতা দাতি বার্যম্ ॥৫॥