Sukta 50

50.1

5 svastyatreyah, vishve devah, anushtup, 5 panktih

विश्वो॑ दे॒वस्य॑ ने॒तुर्मर्तो॑ वुरीत स॒ख्यम् ।
विश्वो॑ रा॒य इ॑षुध्यति द्यु॒म्नं वृ॑णीत पु॒ष्यसे॑ ॥१॥

Vishvo devasya neturmarto vurita sakhyam
Vishvo raya ishudhyati dyumnam vrinita pushyase

ते ते॑ देव नेत॒र्ये चे॒माँ अ॑नु॒शसे॑ ।
ते रा॒या ते ह्या॒३पृचे॒ सचे॑महि सच॒थ्यै॑ः ॥२॥

Te te deva netarye chemam anushase
Te raya te hya3priche sachemahi sachathyaih

अतो॑ न॒ आ नॄनति॑थी॒नत॒ः पत्नी॑र्दशस्यत ।
आ॒रे विश्वं॑ पथे॒ष्ठां द्वि॒षो यु॑योतु॒ यूयु॑विः ॥३॥

Ato na a nrinatithinatah patnirdashasyata
Are vishvam patheshtham dvisho yuyotu yuyuvih

यत्र॒ वह्नि॑र॒भिहि॑तो दु॒द्रव॒द् द्रोण्य॑ः प॒शुः ।
नृ॒मणा॑ वी॒रप॒स्त्योऽर्णा॒ धीरे॑व॒ सनि॑ता ॥४॥

Yatra vahnirabhihito dudravad dronyah pashuh
Nrimana virapastyorna dhireva sanita

ए॒ष ते॑ देव नेता॒ रथ॒स्पति॒ः शं र॒यिः ।
शं रा॒ये शं स्व॒स्तय॑ इष॒ःस्तुतो॑ मनामहे देव॒स्तुतो॑ मनामहे ॥५॥

Esha te deva neta rathaspatih sham rayih
Sham raye sham svastaya ishahstuto manamahe devastuto manamahe