সূক্ত 44

44.1

১৫ কাশ্যপোঽবত্সারঃ (১০ ক্ষত্র-মনস-এবাবদ-যজত-সধ্রি- অবত্সারাঃ, ১১ বিশ্ববার- যজত- মায়ী- অবত্সারাঃ, ১২ অবত্সরেণ সহ সদাপৃণ- যজত- বাহুবৃক্ত- শ্রুতবিত্-তর্যাঃ, ১৩ সুতংভরশ্চ)। বিশ্বে দেবাঃ। জগতী, ১৪-১৫ ত্রিষ্টুপ্।

তং প্রত্নথা পূর্বথা বিশ্বথেমথা জ্যেষ্ঠতাতিং বর্হিষদং স্বর্বিদম্ ।
প্রতীচীনং বৃজনং দোহসে গিরা ঽঽশুং জয়ন্তমনু যাসু বর্ধসে ॥১॥

44.2

শ্রিয়ে সুদৃশীরুপরস্য যাঃ স্বর্বিরোচমানঃ ককুভামচোদতে ।
সুগোপা অসি ন দভায় সুক্রতো পরো মায়াভির্ঋত আস নাম তে ॥২॥

44.3

অত্যং হবিঃ সচতে সচ্চ ধাতু চাঽরিষ্টগাতুঃ স হোতা সহোভরিঃ ।
প্রসর্স্রাণো অনু বর্হির্বৃষা শিশুর্মধ্যে যুবাজরো বিস্রুহা হিতঃ ॥৩॥

44.4

প্র ব এতে সুয়ুজো যামন্নিষ্টয়ে নীচীরমুষ্মৈ যম্য ঋতাবৃধঃ ।
সুয়ন্তুভিঃ সর্বশাসৈরভীশুভিঃ ক্রিবির্নামানি প্রবণে মুষায়তি ॥৪॥

44.5

সংজর্ভুরাণস্তরুভিঃ সুতেগৃভং বয়াকিনং চিত্তগর্ভাসু সুস্বরুঃ ।
ধারবাকেষ্বৃজুগাথ শোভসে বর্ধস্ব পত্নীরভি জীবো অধ্বরে ॥৫॥

44.6

যাদৃগেব দদৃশে তাদৃগুচ্যতে সং ছায়য়া দধিরে সিধ্রয়াপ্স্বা ।
মহীমস্মভ্যমুরুষামুরু জ্রয়ো বৃহৎ সুবীরমনপচ্যুতং সহঃ ॥৬॥

44.7

বেত্যগ্রুর্জনিবান্ বা অতি স্পৃধঃ সমর্যতা মনসা সূর্যঃ কবিঃ ।
ঘ্রংসং রক্ষন্তং পরি বিশ্বতো গয়মস্মাকং শর্ম বনবৎ স্বাবসুঃ ॥৭॥

44.8

জ্যায়াংসমস্য যতুনস্য কেতুন ঋষিস্বরং চরতি যাসু নাম তে ।
যাদৃশ্মিন্ ধায়ি তমপস্যয়া বিদদ্ য উ স্বয়ং বহতে সো অরং করৎ ॥৮॥

44.9

সমুদ্রমাসামব তস্থে অগ্রিমা ন রিষ্যতি সবনং যস্মিন্নায়তা ।
অত্রা ন হার্দি ক্রবণস্য রেজতে যত্রা মতির্বিদ্যতে পূতবন্ধনী ॥৯॥

44.10

স হি ক্ষত্রস্য মনসস্য চিত্তিভিরেবাবদস্য যজতস্য সধ্রেঃ ।
অবত্সারস্য স্পৃণবাম রণ্বভিঃ শবিষ্ঠং বাজং বিদুষা চিদর্ধ্যম্ ॥১০॥

44.11

শ্যেন আসামদিতিঃ কক্ষ্যো৩ মদো বিশ্ববারস্য যজতস্য মায়িনঃ ।
সমন্যমন্যমর্থয়ন্ত্যেতবে বিদুর্বিষাণং পরিপানমন্তি তে ॥১১॥

44.12

সদাপৃণো যজতো বি দ্বিষো বধীদ্ বাহুবৃক্তঃ শ্রুতবিৎ তর্যো বঃ সচা ।
উভা স বরা প্রত্যেতি ভাতি চ যদীং গণং ভজতে সুপ্রয়াবভিঃ ॥১২॥

44.13

সুতম্ভরো যজমানস্য সত্পতির্বিশ্বাসামূধঃ স ধিয়ামুদঞ্চনঃ ।
ভরদ্ ধেনূ রসবচ্ছিশ্রিয়ে পয়োঽনুব্রুবাণো অধ্যেতি ন স্বপন্ ॥১৩॥

44.14

যো জাগার তমৃচঃ কাময়ন্তে যো জাগার তমু সামানি যন্তি ।
যো জাগার তময়ং সোম আহ তবাহমস্মি সখ্যে ন্যোকাঃ ॥১৪॥

44.15

অগ্নির্জাগার তমৃচঃ কাময়ন্তেঽগ্নির্জাগার তমু সামানি যন্তি ।
অগ্নির্জাগার তময়ং সোম আহ তবাহমস্মি সখ্যে ন্যোকাঃ ॥১৫॥