সূক্ত 40

40.1

৯ ভৌমোঽত্রিঃ। ইন্দ্রঃ, ৫ সূর্যঃ, ৬-৯ অত্রিঃ। ১-৩ উষ্ণিক্, ৫-৯ অনুষ্টুপ্, ৪, ৬-৮ ত্রিষ্টুপ্।

আ যাহ্যদ্রিভিঃ সুতং সোমং সোমপতে পিব । বৃষন্নিন্দ্র বৃষভির্বৃত্রহন্তম ॥১॥

40.2

বৃষা গ্রাবা বৃষা মদো বৃষা সোমো অয়ং সুতঃ । বৃষন্নিন্দ্র বৃষভির্বৃত্রহন্তম ॥২॥

40.3

বৃষা ত্বা বৃষণং হুবে বজ্রিঞ্চিত্রাভিরূতিভিঃ । বৃষন্নিন্দ্র বৃষভির্বৃত্রহন্তম ॥৩॥

40.4

ঋজীষী বজ্রী বৃষভস্তুরাষাট্ ছুষ্মী রাজা বৃত্রহা সোমপাবা ।
যুক্ত্বা হরিভ্যামুপ যাসদর্বাঙ্ মাধ্যংদিনে সবনে মত্সদিন্দ্রঃ ॥৪॥

40.5

যৎ ত্বা সূর্য স্বর্ভানুস্তমসাবিধ্যদাসুরঃ ।
অক্ষেত্রবিদ্ যথা মুগ্ধো ভুবনান্যদীধয়ুঃ ॥৫॥

40.6

স্বর্ভানোরধ যদিন্দ্র মায়া অবো দিবো বর্তমানা অবাহন্ ।
গূলহং সূর্যং তমসাপব্রতেন তুরীয়েণ ব্রহ্মণাবিন্দদত্রিঃ ॥৬॥

40.7

মা মামিমং তব সন্তমত্র ইরস্যা দ্রুগ্ধো ভিয়সা নি গারীৎ ।
ত্বং মিত্রো অসি সত্যরাধাস্তৌ মেহাবতং বরুণশ্চ রাজা ॥৭॥

40.8

গ্রাব্ণো ব্রহ্মা যুয়ুজানঃ সপর্যন্ কীরিণা দেবান্ নমসোপশিক্ষন্ ।
অত্রিঃ সূর্যস্য দিবি চক্ষুরাধাৎ স্বর্ভানোরপ মায়া অঘুক্ষৎ ॥৮॥

40.9

যং বৈ সূর্যং স্বর্ভানুস্তমসাবিধ্যদাসুরঃ ।
অত্রয়স্তমন্ববিন্দন্ নহ্য১ন্যে অশক্নুবন্ ॥৯॥