সূক্ত 39

39.1

৫ ভৌমোঽত্রিঃ। ইন্দ্রঃ। অনুষ্টুপ্, ৫পঙ্ক্তিঃ।

যদিন্দ্র চিত্র মেহনাস্তি ত্বাদাতমদ্রিবঃ ।
রাধস্তন্নো বিদদ্বস উভয়াহস্ত্যা ভর ॥১॥

39.2

যন্মন্যসে বরেণ্যমিন্দ্র দ্যুক্ষং তদা ভর ।
বিদ্যাম তস্য তে বয়মকূপারস্য দাবনে ॥২॥

39.3

যৎ তে দিত্সু প্ররাধ্যং মনো অস্তি শ্রুতং বৃহৎ ।
তেন দৃলহা চিদদ্রিব আ বাজং দর্ষি সাতয়ে ॥৩॥

39.4

মংহিষ্ঠং বো মঘোনাং রাজানং চর্ষণীনাম্ ।
ইন্দ্রমুপ প্রশস্তয়ে পূর্বীভির্জুজুষে গিরঃ ॥৪॥

39.5

অস্মা ইৎ কাব্যং বচ উক্থমিন্দ্রায় শংস্যম্ ।
তস্মা উ ব্রহ্মবাহসে গিরো বর্ধন্ত্যত্রয়ো গিরঃ শুম্ভন্ত্যত্রয়ঃ ॥৫॥