সূক্ত 38

38.1

৫ ভৌমোঽত্রিঃ। ইন্দ্রঃ। অনুষ্টুপ্।

উরোষ্ট ইন্দ্র রাধসো বিভ্বী রাতিঃ শতক্রতো ।
অধা নো বিশ্বচর্ষণে দ্যুম্না সুক্ষত্র মংহয় ॥১॥

38.2

যদীমিন্দ্র শ্রবায্যমিষং শবিষ্ঠ দধিষে ।
পপ্রথে দীর্ঘশ্রুত্তমং হিরণ্যবর্ণ দুষ্টরম্ ॥২॥

38.3

শুষ্মাসো যে তে অদ্রিবো মেহনা কেতসাপঃ ।
উভা দেবাবভিষ্টয়ে দিবশ্চ গ্মশ্চ রাজথঃ ॥৩॥

38.4

উতো নো অস্য কস্য চিদ্ দক্ষস্য তব বৃত্রহন্ ।
অস্মভ্যং নৃম্ণমা ভরাঽস্মভ্যং নৃমণস্যসে ॥৪॥

38.5

নূ ত আভিরভিষ্টিভিস্তব শর্মঞ্ছতক্রতো ।
ইন্দ্র স্যাম সুগোপাঃ শূর স্যাম সুগোপাঃ ॥৫॥