সূক্ত 37

37.1

৫ ভৌমোঽত্রিঃ। ইন্দ্রঃ। ত্রিষ্টুপ্।

সং ভানুনা যততে সূর্যস্যাঽঽজুহ্বানো ঘৃতপৃষ্ঠঃ স্বঞ্চাঃ ।
তস্মা অমৃধ্রা উষসো ব্যুচ্ছান্ য ইন্দ্রায় সুনবামেত্যাহ ॥১॥

37.2

সমিদ্ধাগ্নির্বনবৎ স্তীর্ণবর্হির্যুক্তগ্রাবা সুতসোমো জরাতে ।
গ্রাবাণো যস্যেষিরং বদন্ত্যয়দধ্বর্যুর্হবিষাব সিন্ধুম্ ॥২॥

37.3

বধূরিয়ং পতিমিচ্ছন্ত্যেতি য ঈং বহাতে মহিষীমিষিরাম্ ।
আস্য শ্রবস্যাদ্ রথ আ চ ঘোষাৎ পুরূ সহস্রা পরি বর্তয়াতে ॥৩॥

37.4

ন স রাজা ব্যথতে যস্মিন্নিন্দ্রস্তীব্রং সোমং পিবতি গোসখায়ম্ ।
আ সত্বনৈরজতি হন্তি বৃত্রং ক্ষেতি ক্ষিতীঃ সুভগো নাম পুষ্যন্ ॥৪॥

37.5

পুষ্যাৎ ক্ষেমে অভি যোগে ভবাত্যুভে বৃতৌ সংয়তী সং জয়াতি ।
প্রিয়ঃ সূর্যে প্রিয়ো অগ্না ভবাতি য ইন্দ্রায় সুতসোমো দদাশৎ ॥৫॥