সূক্ত 36

36.1

৬ প্রভূবসুরাঙ্গিরসঃ। ইন্দ্রঃ । ত্রিষ্টুপ্, ৩জগতী।

স আ গমদিন্দ্রো যো বসূনাং চিকেতদ্ দাতুং দামনো রয়ীণাম্ ।
ধন্বচরো ন বংসগস্তৃষাণশ্চকমানঃ পিবতু দুগ্ধমংশুম্ ॥১॥

36.2

আ তে হনূ হরিবঃ শূর শিপ্রে রুহৎ সোমো ন পর্বতস্য পৃষ্ঠে ।
অনু ত্বা রাজন্নর্বতো ন হিন্বন্ গীর্ভির্মদেম পুরুহূত বিশ্বে ॥২॥

36.3

চক্রং ন বৃত্তং পুরুহূত বেপতে মনো ভিয়া মে অমতেরিদদ্রিবঃ ।
রথাদধি ত্বা জরিতা সদাবৃধ কুবিন্নু স্তোষন্মঘবন্ পুরূবসুঃ ॥৩॥

36.4

এষ গ্রাবেব জরিতা ত ইন্দ্রেয়র্তি বাচং বৃহদাশুষাণঃ ।
প্র সব্যেন মঘবন্ যংসি রায়ঃ প্র দক্ষিণিদ্ধরিবো মা বি বেনঃ ॥৪॥

36.5

বৃষা ত্বা বৃষণং বর্ধতু দ্যৌর্বৃষা বৃষভ্যাং বহসে হরিভ্যাম্ ।
স নো বৃষা বৃষরথঃ সুশিপ্র বৃষক্রতো বৃষা বজ্রিন্ ভরে ধাঃ ॥৫॥

36.6

যো রোহিতৌ বাজিনৌ বাজিনীবান্ ত্রিভিঃ শতৈঃ সচমানাবদিষ্ট ।
যূনে সমস্মৈ ক্ষিতয়ো নমন্তাং শ্রুতরথায় মরুতো দুবোয়া ॥৬॥